"Naft Tehron" - "Paxtakor" uchrashuviga taalluqli faktlar

- Agar "Naft Tehron" bugun g'alaba qozonadigan bo'lsa, Osiyo chempionlar ligasi debyutanti sifatida guruhdan chiqadi;

- "Naft Tehron" ilk marta o'z maydonida o'zbek klubiga qarshi maydonga tushadi. Umuman olganda, Eron klublari bungacha 16 marta o'zbek jamoalarini mehmon qilganlar. SHundan sakkiztasida g'alaba qozonib, uch marta durang o'ynashgan va besh bor mag'lub bo'lishgan;

- "Naft Tehron"ning bungacha urgan jami 7 goli ikkinchi taymda ro'y bergan. Jamoa hozircha birinchi bo'limda to'p kirita olmayapti;

- Jamoa hujumchisi Amir Motahari 7ta gol bilan Eron chempionatida to'purarlar ro'yxatida bormoqda.

- "Paxtakor" 2010 yildan beri OCHLda guruhdan chiqa olmayapti. Agar jamoa bugun mag'lubiyatga uchrasa va "Al Ayn" "Al SHabab"ni engsa, "Paxtakor" yana guruhda qolib ketadi;

- Avvalgi yillari "Paxtakor" besh marta Eronda mehmon bo'lgan. Jamoa "Zob Axan", "Sepaxon" va "Istiqlol"dan mag'lubiyatga uchragan bo'lsa, "Fulad" hamda "Saba Batteri" ustidan g'alaba qozongan;

- "Paxtakor" hozircha beshta gol urdi va shundan uchtasi Igor Sergeev nomiga yozildi;

- Igor Sergeev, Egor Krimec, Davron Hoshimov, Vladimir Kozak va Javohir Sohibov hisobida hozircha bittadan sariq kartochka bor.