Muzaffar Abdullaev: “So'g'diyona” ga qaytganimdan xursandman"

Bir mavsum ushbu darvozabon “So'g'diyona” sharafini himoya qilgan. Ikkinchi davrada Muzaffar Abdullaev jizzaxliklar sharafini himoya qiladi. Bugun biz Muzaffar Abdullaev bilan qisqacha suhbat qilishga qaror qildik.

Muzaffar, “So'g'diyona” ga qaytishingizga nima sabab bo'ldi?

-Avvalambor,jizzaxlik muhlislarga alangalik salom. Yana Jizzaxga qaytganimdan xursandman.Menga 2-3 ta jamoalardan taklif bo'ldi. Bularning orasida “So'g'diyona” ham bor edi. Xech o'ylab o'tirmay sobiq jamoaga qaytdim. O'tkan yilgi jamoa bilan hozirgi jamoada katta farq bor. Hozirgi jamoa ham  menga begona emas. Muhimi ahilmiz.

Jamoaga qaytganingizda o'z oldingizga qanday maqsadlarni qo'ydingiz?

-Albatti jamoaning g'alabalariga o'z hissamni qo'shish va yuqori o'rinlarga olib chiqish. Meni shu jamoaga taklif qilgan insonlarni ishonchini oqlash.Jamoa bilan o'z oldimizga qo'ygan maqsadga erishish. 

Ikkinchi davraga tayyorgarlik qanday bo'ldi?

-Tayyorgarlikning birini qismi Zominda bo'ldi. Unda asosan jismoniy holatimizga qaratilgan mashqlar bajardik. Keyinchalik Toshketda davom etdi. Unda nazorat uchrashuvlaridagi  o'yin taktikalariga  etibor qaratildi. Jamoamiz ikkinchi davraga 100% tayyor.

Oliy liganing 16-turida o'z maydonimizda “Bunyodkor” ni qabul qilamiz. O'yin borasida qanday fikrdasiz.

-Yuqorida aytib o'tganimdek,ikkinchi davra uchun tayyorgarlik yaxshi bo'ldi. Tarkibga bir qator yangi futbolchilarni qo'shib oldik. “Bunyodkor” kuchli jamoa,ammo hozirgi kunda hamma jamoalar bilan o'ynasa bo'ladi. Hammasi o'z qo'limizda. O'z maydonimizda qabul qilamiz va albatta g'alaba uchun maydonga chiqamiz. Xudo xoxlasa,muxlislarimizni xursand qilishga xarakat qilamiz. 

Dildora Xolboeva

“So'g'diyona” matbuot xizmati kotibi