Murosasiz kechgan uchrashuvda "Andijon" Ruminiya klubi bilan durangga imzo chekdi

Ruminiyaning "CHiksereda" jamoasi raqib vazifasini o'tagan bahsda tomonlar 0:0 hisobida durang qayd etdi. Aytish mumkinki, "Andijon" jamoasi murabbiylari birinchi bo'limda yaqinda kelib qo'shilgan Igor Litvinov, Levan Arveladze, Nodar Kavtaradzega imkon bergan holda aralash tarkibni sinovdan o'tkazishdi. Ikkinchi bo'limda bir qator yangi kuchlar maydonga tushdi va natijada chiziqlar orasida bog'lamlar yaxshi ishlay boshladi. Xavfli vaziyatlar yaratildi. Deylik, Suhrob Berdievning chalqancha bergan zarbasi xavfli ko'rinish oldi. Muhammadkarim Toirov, Farhod Sohibjonov o'z poziciyalarida faollik ko'rsatishdi. Umuman olganda Aleksandr Xomyakov bu o'yinda tarkibdagi barcha futbolchilarga o'yin amaliyotini berdi. 

O'rtoqlik uchrashuvi. 

"Andijon" - "CHiksereda" 0:0

Bosh hakam:  Fabio Stemmler

Qanot hakamlari: Nils Byome, Stin Myoxlenbek (barchasi Germaniya mamlakatidan)

"Andijon": Igor Litovka, Islom Mamatkazin, Vladimir Bubanya, Ilhom Alijonov, Abduvohid G'ulomov, Levan Arveladze, Muhammadkarim Toirov, Nodari Kavtaradze, Farhod Sohibjonov, Suhrob Berdiev, Bobur Farhodov

Zaxiradan maydonga tushganlar: Eldor Adhamov, Farhod Bekmurodov, Sardor Abdunabiev, Sardor Azimov, Dilshod Komilov, SHahboz Erkinov, Ildar Mamatkazin, Ahmadjon Anvarov, Abdurahmon Komilov, Izzatillo Abdulhaqov, Ilhom Abdug'aniev, Asilbek Aysarov 

"CHiksereda": Moga, CHizer, Vita, Veres, Kovach, Bara, Szondi, L.Kovach,  Dina, Schib, Jelena