Murod Ismoilov: "Navbahor"ni chiroyli o'yin bilan tabriklayman"

"Bugun o'yingohga tashrif buyurgan barcha muxlislarni va "Navbahor"ni chiroyli o'yin bilan tabriklayman. Raqib va bizning o'yinchilar oxirigacha kurash olib borishdi. Yigitlarga hech qanday etirozim yo'q. Keyingi urashuvlarda bizga ham omad kulib boqadi deb o'ylayman. Bugungidek shijoat bilan navbatdagi bellashuvlarda harakat qiladigan bo'lsak, kerakli natijaga erishamiz. SHuningdek o'yinimizni ham shakllantirishimiz kerak. O'yin ustida ko'p ishlashimiz zarur. Futbolchilarni oxirida ilojsizlikdan almashtirdik. Kashkaval asta-sekin jamoamizga kirishib ketadi. Jamoaga moslashish borasida barchada qiyinchiliklar uchrab turadi. Osiyo CHempionlar ligasiga avval ichki chempionat orqali tayyor bo'lishimiz lozim. Oldinda ko'p ishlarni amalga oshirish talab etiladi. Tarkib borasida, o'yinni shakllantirish, infratuzilma borasida bizni juda ko'p ishlar kutib turibdi. Yurtimiz shanini munosib qila oladigan darajaga ko'tarilishimiz kerak. Murod Bobojonovga o'xshagan yigitlarga imkoniyat berish kerak. Murod kelajakda yaxshi hujumchi bo'lib etishish mumkin. Uni Sardor Rashidov singari chet el jamoaga tarbiyalab bersak ajab emas. Asosiy tarkibga futbolchilar o'zimizning maxsulotimiz bo'lishini niyat qilganmiz. SHu sababli yoshlar jamoamizda keskin o'zgarishlarni amalga oshirdik. Avval o'rinbosarlarimiz tarkibini asosan 1992 va 1993 yilda tug'ilgan o'yinchilar tashkil qilgan. Hozir 1996, 1997 va 1998 yilda tavallud topgan futbolchilarga imkon beryapmiz".