Murod Bobojonov: "Gol bo'ladigan vaziyatni yuragim sezadi"

Malumot o'rnida, ushbu bahsning ikkinchi golini aynan Bobojonov kiritdi.

-   “Bunyodkor”ga qarshi qiziqarli o'yin bo'ldi. Yaratganga shukur, g'alaba qildik, - deb gap boshladi hujumchi. Fikrimcha, bugun  “Neftchi” yaxshi o'ynadi. Muhimi kerakli ochko qo'lga kiritildi. G'alabada hammaning xissasi bor. Yigitlar borini berib o'ynadi. Jamoaviy    yutuqqa erishdik. “Bunyodkor” ham yomon o'ynamadi. Yaxshi jamoa shakllangan. Keyingi o'yinlarda ham ijobiy natijalar uchun harakat qilamiz. Bilinki, “Neftchi” g'alaba va o'z muxlislari uchun maydonga chiqadi.

-   Murod, Siz doim muhim pallalarda gol urish bilan ko'proq yodda qolasiz. Umuman jamoadoshlaringizning tarifiga ko'ra, golning isining yaxshi sezasiz...
-   Ochig'i, gol bo'ladigan vaziyatni yuragim sezadi. Keyin omadga ham ko'p narsa bog'liq.

-   Murod Ismoilov sizga ko'p ishonadi...
-   Murabbiy menga ishonadimi demak uning ishonchini oqlash shart. Buning uchun harakat qilyapman.

Hojiakbar Jabborov suhbatlashdi.