Muhammad Saloh "Barselona"ga o'z xizmatlarini taklif qildi

Manbaga ko'ra, misrlik o'yinchining vakili allaqachon Kataloniya klubi rahbariyatiga uning xizmatlarini taklif qilgan. Manbaning yozishicha, hujumchi Kataloniya klubiga o'tgan taqdirda, ispan grandi La Liganing moliyaviy talablariga javob berishi uchun maoshini sezilarli darajada pasaytirishiga to'g'ri keladi.

Qayd etilishicha, "Barselona" ham misrlik futbolchini o'z safiga qo'shib olishga qarshi emas, chunki klubni uning tajribasi va o'yin sifati o'ziga jalb qilmoqda, biroq kataloniyaliklardagi qiyinchiliklar tufayli maosh pasaygan taqdirdagina jiddiy muloqot bo'lishi mumkin.

Saloh joriy mavsum barcha musobaqalarda 39 ta o'yinda maydonga tushib, o'z hisobiga 30 ta gol va 22 ta golli uzatma yozdirib qo'yishga erishdi. Transfermarkt futbolchini 55 million evroga baholamoqda.