Muboraklik To'ra SHoymardonov

2015 yili “keksalarni ezozlash yili” munosabati bilan Muborak shahridagi “B.Vafoev” nomli stadionda ko'p yillardan buyon mexnat qilib kelayotgan faxriy ishchi xodimlar taqdirlandi.

Bu haqda saytimizda yozganimizda ko'plab muxlislar etiborini To'ra SHoymardonov nomi o'ziga jalb etdi. Ishqibozlar ushbu nom aytilganida ko'proq toshkentlik sobiq futbolchi Rustam SHoymardonovning amakisi murabbiy To'ra SHoymardonovni eslaydi. Ushbu maqolamiz orqali Muborakda ham To'ra SHoymardonov degan inson bor ekanligini aytib o'tmoqchimiz.

Kelasi yil 70 yillik yubileyini nishonlaydigan qahramonimizning Muborakda xurmati yuqori. Bu bejiz emas. Boisi 1988 yildan buyon “Mashal” klubi tizimida turli lavozimlarda ishlab kelayotgan SHoymardonovni Muborakda tanimagan ishqiboz yo'q. Futbolchilar ham otaxonni qadrlashiga guvoh bo'ldik. Lekin To'ra aka bir kam 70 yoshga to'lgan bo'lishiga qaramay hamon mexnat qilishda davom etmoqda. U kishining kuni “B.Vafoev” nomli stadionda o'tadi.

- 27 yildan buyon shu erda ishlayman. “Mashal” klubini tarixini yaxshi bilaman. Jamoada eng faxriysi men bo'lsam kerak. Qolgan xodimlar juda borsa 10 yildan buyon ishlab kelayotgan bo'lishi mumkin. Bu vaqt oralig'ida jamoamizda ko'plab futbolchi va murabbiylar ishlab ketti. Eng yaxshi murabbiylar deb Viktor Jalilov bilan Viktor Kumikovni aytgan bo'lardim. Eng yaxshi rahbar deya so'zsiz, Bahrom Davlatovni ko'rsataman. Bahrom Boyjonovich o'z ishini ustasi edi. Bu insonga qancha ijobiy tarif bersang kam – deydi To'ra SHoymardonov.