Monk: "Qo'ldan chiqarilgan g'alabadan afsusdaman"

"Birinchi bo'limda "Liverpul" bizdan yaxshiroq harakat qildi - biz raqibga juda ko'p imkoniyat berib yubordik. Tanaffusda o'zgarish qila oldik va yangi kayfiyatda maydonga chiqdik. Yaxshi o'ynadik, gol ham urdik va g'alabani ushlab qolmoqchi edik, ammo Balotellining beso'naqay goli va ikkinchi qo'yib yuborilgan gol bizni g'alabadan ayirdi. Biz juda osonlik bilan mag'lubiyatni tan oldik va natijadan xafaman.

Umuman olganda qizil kartochka bo'lmagandi. Fernandesning kartochkasini bekor qilishadi degan umiddaman. Koutino bizning futbolchidan ko'ra oyog'ini balandroq ko'tardi. Hakam bu vaziyatni qaysi ko'zi bilan ko'rganini tushunmadim, ammo futbolchimizning kartochkasini yo'qqa chiqarishadi deb o'ylayman" - deydi murabbiy.