Modrich "Real"ga qaytishi mumkin

Bu haqda futbolchining "qirollik klubi" prezidenti Florentino Peres bilan so'nggi uchrashuvidan olingan ichki malumotlarga tayanib, "Defensa Central" nashri xabar berdi.

Manbaga ko'ra, Modrich futbolchilik faoliyatini yakunlaganidan so'ng futbolda qolish istagini bildirgan. Xususan, uning niyati – o'zini murabbiylik sohasida sinab ko'rish. Peres o'z navbatida bu g'oyani qo'llab-quvvatladi va butsalarini mixga ilganida Lukaga "Real" akademiyasidan ish joyi berishni vada qildi. Shuningdek, u Modrich Zinedin Zidan, Raul va Xabi Alonso kabi klub afsonalari yo'lidan borishi mumkinligini qo'shimcha qildi.