MLS. Toronto shahri jamoasi sharqiy mintaqa chempioni

Final yo'lida bo'ladigan ikkinchi jangda joriy mavsum sharqiy zonada o'tkazilgan o'zaro uchrashuvlari faqat va faqat keskin ruhda o'tgan ikki jamoa uzoq vaqt stabil o'yin namoyish etib kelgan "Atlanta" hamda hal qiluvchi bosqichda kuchlilarni adabini berib qo'ygan "Toronto" orani ochiq qilib olishdi. Jamoalar turnir jadvalida imkonlari boricha mintaqa chempionligi uchun "Nyu-York Siti"ga munosib qarshilik ko'rsatishga harakat qilishdi.

Atlanta shahri jamoasi "posti"ni Amerikada millat faxriga aylangan darvozabon Bred Guzan qo'riqlab bordi. SHuningdek, himoya markazida ko'pchilikka malum va mashhur bo'lgan Pol Pogbaning akasi Florentin harakat qildi. Hujum chizig'idan OAVlarida tarqalgan so'nggi xabarlarga ko'ra, Evropa top-klublari qiziqish doirasida turgan joriy mavsum 29 o'yinda 27 gol urgan forvard Xosef Martines joy olgandi va lekin xattoki u ham jamoasini mag'lubiyatdan saqlab qola olmadi. Greg Venni shogirdlari orasida esa, o'z vaqtida Franciya chempionatidagi to'purarlik qilgan va shu orqali kimsan Karim Benzemaga vorisi sifatida ko'rilgan Nikolya Beneze bor edi va amalda umidli hujumchi gol urish orqali murabbiy bildirgan yuksak ishonchni to'liq oqladi. SHuningdek, jamoa safidan yaponiyalik iqtidorli vinger Cubasa Endo va mahalliy hujumchi yuksak tajriba egasi Jozi Altidor joy olishgandi. Kutilganidek qiziqarli va keskin kurashlar ostida o'tgan uchrashuvda mehmonlar kuchli iroda evaziga muvaffaqiyat qozonishdi. 

Gollarga kelsak, avvaliga Xosef Martinesning chiroyli uzatmasini Julian Gressel golga aylantirdi va hisobni ochib berdi. Biroq, oradan ko'p vaqt o'tmay Loran Simanni samarali pasidan keyin Beneze super zarbasi bilan o'rtadagi farqni tikladi. Ammo bu hali hammasi emas edi. Ikkinchi bo'limda Nik Deleon to'p kiritib, jamoasi uchun finalga yo'l ochdi. Uning goliga, bir vaqtlar Ispaniya chempionatida to'p tepgan 28 yoshli nisbatan bo'yi kichkina bo'lgan yarim himoyachi Alexandro Posuelo ham mualliflik qildi. SHunday qilib, ohirgi ikki mavsumda bosh sovringa ega chiqqan jamoalar to'qnashuvida amaldagi chempion musobaqadan chiqib ketdi. “Toronto” esa, o'z tarixida ikkinchi marta finalda o'ynaydigan bo'ldi.

Atlanta United Julian Gressel - 4'

Major League Soccer Playoff . 1/2-tur 31/10/2019, 05:10 2 : 1 Tugadi

Toronto FC Nicolas Benezet - 14', Nick DeLeon - 78'

Stadion: Mercedes-Benz Arena

45'

90'

4'  Julian Gressel

4'  Gonzalo Martinez

81'  Michael Parkhurst (Hector Villalba)

9'  Michael Bradley

14'  Nicolas Benezet

14'  Laurent Ciman

46'  Tsubasa Endoh (Richie Laryea)

54'  Nicolas Benezet (Nick DeLeon)

61'  Jonathan Osorio

68'  Auro (Patrick Mullins)

70'  Nick DeLeon

78'  Nick DeLeon

78'  Alejandro Pozuelo

Match-senterda ochish

Xondamir Hakimov tayyorladi