Mirzohid G'ofurov: “Vodiy derbisi” doimo keskin kurashlar ostida o'tadi”

"O'zingizga malum, “vodiy derbisi” bahslari jamoalar turnir jadvalida qaysi o'rinda borayotganidan qatiy nazar, doimo keskin kurashlar ostida o'tadi. Bu safargi o'yin ham bundan mustasno bo'lmaydi, albatta.SHu bois, bo'lajak bahsga jiddiy tarzda tayyorgarlik ko'rdik.

Garchi “Andijon” joriy mavsumni omadsiz o'tkazayotgan, ayni paytda turnir jadvalining so'nggi pog'onasini egallab turgan bo'lsada, jamoamizga munosib qarshilik ko'rsatishga intilishi tayin. Umuman olganda, bu yil Superligada kuchsiz jamoa yo'q va har bir raqibga hurmat bilan munosabatda bo'lish lozim. 

Umid qilamanki, “Andijon” bilan bo'ladigan derbini tomosha qilgani stadionga tashrif buyuradigan ishqibozlar jamoamizni har doimgidek faol tarzda qo'llab-quvvatlashadi hamda biz – futbolchilarga ruhiy dalda bergan holda, g'alaba sari ruhlantirishadi.       

Biz ham muxlislarning ishonchlarini oqlab, zafar quchish uchun barcha imkoniyatimizni ishga solamiz",- deydi Mirzohid G'ofurov.