Mirjalol Qosimov: O'zbekiston har doim o'z oldiga yuqori maqsadlarni qo'yadi

, O'zbekiston milliy terma jamoasi bosh murabbiyi Mirjalol Qosimov o'z shogirdlari harakatlaridan qoniqish hosil qilganini aytib o'tdi.

Har bir g'alaba murabbiy va futbolchilarga qo'shimcha kuch beradi. Gonkong ustidan g'alaba qozonganimizdan hursandman. Maqsadimizga erishganimizdan juda mamnunman. Yigitlar o'yinidan qoniqish hosil qildim, - dedi Qosimov.

Kecha aytib o'tganimdek, Gonkong terma jamoasi himoyada yaxshi harakat qiladi. Bu jamoa biz uchun bejizga noqulay raqib hisoblanmaydi. Futbolda buzish yaratishdan oson. Gonkong raqib hujumini buzishni hush ko'radi va buni uddasidan chiqadi. SHu sabab, bugungi o'yinda ular darvozasiga gol urish oson bo'lmadi, - dedi O'zbekiston milliy terma jamoasi bosh murabbiyi.

Mirjalol Qosimov Osiyo Kubogi final bosqichi o'yinlarigacha terma jamoa etarlicha tayyorgarlik ko'rishini takidlai. O'zbekiston terma jamoasi o'z oldiga yuqori maqsadlarni qo'yadi. Osiyo Kubogi final musobaqasi boshlanishiga vaqt etarli. Ushbu turnirga yaxshi tayyorgarlik ko'rib, o'z oldimizga maksimal vazifa qo'yish niyatimiz bor, - dedi Qosimov.