Mirjalol Qosimov: "Iskanderovdan yaxshi futbolchi chiqadi"

Turkiya terma jamoasiga qarshi kechishi lozim bo'lgan o'yin bekor bo'lgach, Mirjalol Qosimov olimpiya terma jamoasi vakillarini to'plagan holda kichik yig'in o'tkazdi. Bu tajriba amalda o'z foydasini bergan edi. Bir tomondan Turkiya bilan o'yin qoldirilgani yomon bo'lmadi. Agar Turkiya bilan o'ynaganimizda Jamshid Iskanderovga joy topilmagan bo'lar edi. Bugun esa Mirjalol Qosimov o'zi uchun yangi futbolchini kashf qildi desak ham bo'laveradi.

"Iskanderov yaxshi futbolchi ekanligini ko'rib turibmiz. Eng muximi u kalla bilan o'ynayapti. Tez fikrlaydi va kerak erda hozir bo'ladi. Atrofdagi gap so'zlardan havolanib ketmasligi kerak. Hali u haqda ko'p gapirishadi. Buning uchun u yanada yaxshiroq ishlashi lozim", - deydi Mirjalol Qosimov.

Murabbiyning yig'in borasidagi fikri quyidagicha ko'rinish oldi:

- Imkoniyatimizdan kelib chiqib yig'in o'tkazdik. Bir tomondan yoshlarni sinab olganimiz yaxshi bo'ldi. Iordaniya bilan bo'lib o'tadigan uchrashuv oldidan bir haftalik yig'in o'tkaziladi va unda bugun o'zlarini ko'rsatgan futbolchilar MTJning asosiy tarkib vakillari bilan birga mashg'ulot o'tkazishadi.