Mirjalol Qosimov: "Ikkinchi golga qadar "Paxtakor"ga munosib qarshilik ko'rsatdik"
26 okt 2019 19:52
Yangiliklar
![](https://championat.asia/upload/storage/525714_original.jpg)
![](/upload/storage/525714_220.jpg)
Mirjalol Qosimov: "Ikkinchi golga qadar "Paxtakor"ga munosib qarshilik ko'rsatdik"
"Bugungi o'yin orqali Osiyo chempionlar ligasiga yo'llanma olish mumkinligini yaxshi tushunib turgandik va buni juda ham xohlagandik. Finalga yaxshi tayyorlangandik. Ammo keraksiz joyda to'p yo'qotilgach hisob ochildi. CHeran bekorga bugun uchta gol urmadi. Uchinchi golda ham uning mahoratini ko'rish mumkin bo'ldi. Penaltiga qadar qarshilik ko'rsatayotgandik, ammo ikkinchi goldan so'ng barchasi aniq bo'ldi. "Paxtakor" haqli ravishda kubok sohibiga aylandi. Futbolda kimdir yutadi, kimdir yutqazadi, - deydi Mirjalol Qosimov.
- Bugungi o'yinda Grigalashvili hujumda asosiy ishni bajardi. U almashtirilgach hujumda deyarli imkoniyat yaratilmadi...
- Futbol bu jamoaviy o'yin. Birinchi taymda yaxshi o'ynadi zarbalar berdi, ammo ikkinchi goldan so'ng kayfiyati tushib ketganini ko'rdim. Oldinga ham yurmadi, orqaga ham qaytmadi. SHu bois uni almashtirdim.
- Bilamizki, har bir murabbiyda jamoasi gol o'tkazib yuborganidan keyin ikkinchi rejasi bo'ladi. Bugun AGMK gol o'tkazib yuborganidan keyin ikkinchi rejaga o'tishiga nima to'sqinlik qildi?
- Birinchi goldan keyin yaxshi vaziyatlar bo'ldi, ammo hujumni yakunlashdi oqsadik. Bitta vaziyatda Suyunov, bitta vaziyatda Simich jamoasini qutqardi.
- O'yin davomida bitta hujumchi bilan o'ynadingiz. Ko'p holatlarda yolg'izlanib qolgani ko'rindi. Uchrashuv oxirida ikkinchi hujumchini boshqa bir hujumchining o'rniga tushurdingiz. Ikki hujumchi bilan o'ynashga nima xalal berdi?
- Adashmasam Hakimov tushganida 0:3 hisobida yutqazayotgandik. Yigitlarda tushkunlik kuzatildi. Xuddi Elgujada bo'lgan holat Nurmatovda ham bo'ldi. SHu bois SHixovni va Hakimovni tushurdik.
O’xshash yangiliklar
![AMP Logo](https://championat.asia/image/logo-amp.png)
Fikrlar