Mirjalol Qosimov: "Bitta raqib bilan ketma-ket ikki marta o'ynash og'ir"

"Avvalo barcha jurnalistlarni o'tgan bayramlari bilan tabkrilayman. Faoliyatlarida omadlar yor bo'lsin.

O'yinga kelsak, bitta raqib bilan ketma-ket ikki marta o'ynash og'ir. Agar o'tgan bahsda biz g'alabaga loyiq edik, bugun esa durang adolatli bo'ldi. Yana ikki kundan so'ng o'ynaymiz. Issiq, charchoq alomatlari...Albatta tarkibda o'zgarishlar bo'ladi, yoshlar tajriba to'playdi. Raqibning xatosidan foydalanib gol urdik, so'nggi daqiqalarda esa hisobni saqlab qolishga harakat qildik. Hayot davom etadi.

Umuman olganda jamoa tuzish oson emas. Mavsum og'ir o'tmoqda, agar yil so'nggi bo'lganida boshqa gap edi. Barchasini vaqt ko'rsatadi. Albatta tarkibimizni kuchaytirishni istaymiz. Tanaffus bizga foyda keltiradi deb umid qilaman", - deydi Mirjalol Qosimov.