Miranchuk jarohati sabab qancha muddatni o'tkazib yuborishi malum

“Tuttosport” manbasiga ko'ra, rossiyalik forvardning mushaklari lat egan va shu sabab uning “Atalanta”dagi debyuti oktyabrga qoladigan bo'ldi.

Miranchuk jarohatini RPL 4-turi doirasida o'tgan “Lokomotiv” – “Spartak” (1:2) bahsida orttirib olgandi. O'shanda shifokorlar futbolchining son orqa qismidagi muskullari shikastlanganini aniqlashgan.

Bergamoliklar Italiya chempionati yangi mavsumidagi ilk uchrashuvini 26 sentyabr kuni “Torino”ga qarshi o'tkazadi.