Milliy terma jamoa Dubaydagi yig'inini yakunlab Toshkentga qaytib keldi

Mirjalol Qosimov bosh murabbiyligidagi terma jamoa Dubay shahrida 2 dekabrdan 14 dekabrgacha ikki bosqichdan iborat yig'inning dastlabkisini o'tkazdi. Ushbu yig'in davomida milliy terma jamoa ikkita o'rtoqlik uchrashuvida maydonga tushdi. Dastlab, 4 dekabr kuni Yangi Zelandiyaning Oklend klubiga qarshi uchrashuvda 0:0 hisobi qayd etilgan bo'lsa, 13 dekabr kuni Falastin terma jamoasiga qarshi o'yinda Qosimov shogirdlari 1:0 hisobida g'alaba qozondi.

Eslatib o'tamiz, O'zbekiston milliy terma jamoasining OK-2015 bahslariga tayyogarlik jarayoni ikki bosqichga bo'linadi va ularning ikkinchisi 17-29 dekabr kunlari BAAda davom etadi. Ushbu yig'in davomida O'zbekiston milliy terma jamoasi Iordaniya (20 dekabr) va Iroq (25 va 28 dekabr) terma jamoalariga qarshi o'rtoqlik uchrashuvlarida maydonga tushadi.