Milan Mitrovich: "So'g'diyona" futbolchilariga "Jentra" sovg'a qilinadi? Hozir bir narsa deyishim qiyin”
23 noy 2019 12:37
Yangiliklar
![](https://championat.asia/upload/storage/530309_original.jpg)
![](/upload/storage/530309_220.jpg)
Milan Mitrovich: "So'g'diyona" futbolchilariga "Jentra" sovg'a qilinadi? Hozir bir narsa deyishim qiyin”
- Milan, dastlab bo'lajak bahs haqida ikki og'iz...
- Oldinda oson bo'lmagan o'yin kutib turibdi. Qolgan bahslar ham shunday qiyin o'tishiga shubham yo'q. Alo kayfiyat, yaxshi tayyorgarlik bilan Termizga yo'l olyapmiz. Maqsadimiz o'zimiz istagan futbolni namoyish etib, uch ochkoga ega chiqish. Uchinchi o'rinni qo'lga kiritish uchun ajoyib imkoniyatga egamiz. Biz qadam va qadam, bosqichma-bosqich bunga intilib kelyapmiz. O'yindan o'yinga niyatimiz sari yaqinlashmoqdamiz.
- Bir haftada uchta o'yin o'tkazasizlar. Ikki bor safarda. Boz ustiga, so'nggi tur eng yaqin taqibchingiz “Bunyodkor”ga qarshi bo'ladi...
- Hamma o'yinda bor kuchimiz bilan harakat qilyapmiz. Bizda aniq bir ajralib turadigan o'yinchi yo'q. Barchamiz bir oilamiz. Birgalikda va birlashgan holda to'p tepsak,uchta o'yinda ijobiy natija qayd eta olamiz. Hozirgacha shuning evaziga muvaffaqiyatga erishib kelyapmiz.
- Eshitshimizga qaraganda jamoa kuchli uchlikni zabt etsa "Jentra" avtomobillari berilar ekan...
- Yaratganning ko'magi shuningdek, o'z o'yinmiz, kurashuvchanligimiz, fidoyiligimiz bilan shu darajaga ko'tarildik. "Jentra" va bir qator bonuslar haqida aniq bir narsa deyishim mushkul. Agarda, uchinchi pog'onada mavsumni yakunlasak tarixda birinchi marotaba bunday mavqega ega bo'lamiz.
- Ko'p hollarada futbolchilar sizning darvozangizni uzoqdan ishg'ol qilishga urinishadi. Superliga klublaridagi qaysi futbolchilarni bu borada mahoratli deb hisoblaysiz?
- Ha, bunday o'yinchilar etarlicha topiladi. Slavko Lukich, Aziz G'aniev, SHarof Muhitdinov kabilar istalgan vaqtda kutilmagan zarba bilan raqib darvozasini ishg'ol qilishadi. Darvozabonlarga bunday vaziyatlarda o'ta qiyin bo'ladi. Ular yo'llaydigan zarbalar oddiy bo'lmaydi, to'p traektoriyasi ham o'zgarib ketadi, natijada uning yo'nalishini topa olmaysiz. Yuqorida keltirilgan futbolchilar bizga shu kabi ajoyib gollarni urishgan. Qo'shimcha sifatida aytishim mumkinki, yaxshigina dribling, tezkorlik va individual harakatlar evaziga raqibini murakkab ahvolga soladigan o'yinchilar ham etarli Superligada. Misol uchun, bugungi kunda "Paxtakor" safida o'ynayotgan Dragan CHeran va Jaloliddin Masharipov kiperlar uchun noqulay futbolchilar hisoblanishadi
- Milan, samimiy suhbat uchun tashakkur. Muxlislarga aytadigan so'zingiz bo'lsa, marhamat.
- Etibor qaratib, intervyuga taklif qilganingiz uchun sizga ham rahmat. Ishqibozlardan har doim jamoamizni qo'llab-quvvatlashlarini so'rab qolaman. Ularsiz futbol o'z jozibasini yo'qotishi turgan gap.
Abdulaziz Iskandarov suhbatlashdi
O’xshash yangiliklar
![AMP Logo](https://championat.asia/image/logo-amp.png)
Fikrlar