Mikola SHevchenko: "Mashal" fonida yosh bolalardek ko'rinmadik"

- Muxlislar uchun bu o'yin qiziq bo'ldi, 6ta gol urildi. "Mashal"ni g'alaba bilan tabriklayman. Jamoa juda yaxshi holatda. Bunday raqiblarga qarshi o'ynash doimo yoqimli. Bugun biz mag'lub bo'ldik. Hali ishlashda davom etishimiz kerak bo'lgan jihatlar juda ko'p.

- Mag'lubiyatni qanday baholaysiz? Balki bunda tajriba o'z so'zini aytgandir.

- Nima desam bo'ladi... "Mashal" o'yin sifati borasida bizdan ustunroq jamoa ekanligini tan olaman. Biroq "Mashal" fonida "Do'stlik" jamoasi yosh bolalardek jamoa sifatida taassurot qoldirmadi. Ayrim vaziyatlar bor, ishlashda davom etib, xatolarni to'g'rilash kerak. O'ylaymanki, hali g'alabalarimiz oldinda. Jamoamdan minnatdorman, biz futbol o'ynadik. Hatto bir kishi kam bo'lib qolganimizda ham futbol o'ynashda davom etdik. SHu sababli yigitlardan minnatdorman. Agar ular ham tajriba yig'ib olishsa, barchasi yaxshi bo'lib ketadi.

- Agarda jamoangiz shunday o'yinni davom ettirsa, g'alabani yaqin desak bo'ladimi?

- "Do'stlik" har bir o'yinda g'alaba uchun maydonga tushadi. G'alaba uchun etishmayotgan omillar bor. Masalan, ayrim holatlarda tajriba kamlik qilmoqda, bazida esa hali ishlanmagan jihatlar halaqit qilmoqda. Bu yo'ldan ketsak, g'alabaga tezroq erishamiz deya olaman.

- Qizil kartochka haqida nima deya olasiz?

- Bu borada qo'mita bor. Hakamlik borasida hech nima demayman. Hakamlar o'zlarini ustida o'zlari ishlashsin. Qo'mita esa baho bersin. Men esa o'zim va jamoamni o'ylayman.