Messining jahli chiqdi: o'yindan oldingi gaplari uchun Van Galning oldiga bordi, Davids bilan urushdi va Vegorstga javob qaytardi. Leoni oldin bunchalik g'azabda ko'rmaganmiz...
10 dek 2022 16:37
Yangiliklar
Messining jahli chiqdi: o'yindan oldingi gaplari uchun Van Galning oldiga bordi, Davids bilan urushdi va Vegorstga javob qaytardi. Leoni oldin bunchalik g'azabda ko'rmaganmiz...
Niderlandiyaning Argentina bilan o'yinida ko'plab rakurslar bo'ldi. Bunisi eng qaynoqlaridan.
Leo penaltidan urgan golini shunday nishonladi.
Messi Van Galning oldiga bordi va intervyu paytida Vegorstga murojaat qildi
Messi final hushtagidan so'ng dastlab g'alabani nishonladi, so'ngra Van Gal va uning murabbiylar shtabi oldiga bordi. Jurnalistlarning xabariga ko'ra, Leo "Xo'sh, meni to'xtatdingmi?" degan va qo'llari bilan ishora qilgan.
SHundan so'ng Edgar Davids va Van Galning yana bir assistenti nimalardir haqida gaplashdi.
Messi intervyu berishga yo'l oldi va u erda ham raqib murabbiyi haqida gapirishda davom etdi:
"Van Gal o'zini huddi uning jamoasi qiziqarli futbol o'ynayotgandek tutmoqda. Aslida, ular shunchaki baland bo'yli o'yinchilarni jarima maydonchasiga yuborishmoqda va u erga to'pni oshirishmoqda.
So'ngra Lionel flesh intervyu paytida Vaut Begorstga gapirdi. Kadrga "Nimaga qarab o'tiribsan, ahmoq? Ketaver, ahmoq!" degan so'zlar tushdi.
Messi tushuntirdi: "Ularning 19-raqami [Vegorst] o'yindan oldin yonimizga keldi, turtdi va provokaciya qila boshlagan holda, har xil gaplarni aytdi". U o'yindan so'ng shunday tarzda javob qildi.
Argentina terma jamoasi sardori hakam haqida ham gapirdi: "Hakam maydonda yomon ishladi. Ular raqib hisobni tenglashtirishini xohlashdi. Gap faqat qo'shib berilgan 10 daqiqada ham emas. Epizodlarni ko'rish kerak. Hakamlar haqida gapira olmayman, sababi adolatli bo'la olmayman – bu uchun jazolashadi".
Messi biroz tinchlanganidan so'ng nega his-tuyg'ularga berilib ketganini tushuntirdi:
"Van Gal kabi tajribali murabbiy o'ziga hurmatsizlik qilishni ravo ko'rganidan g'azablandim. U Argentina terma jamoasi haqida hurmatsizlik bilan gapirdi. Odamlar o'yindan oldin gapirishlarini yoqtirmayman. Ularning murabbiyi bizni hurmat qilmadi. Men raqibga doim hurmat bilan qarayman. Ammo, meni hurmat qilishsa yoqadi. Ular esa bunday qilishmadi".
Anchadan beri Leoni bunchalik g'azabda ko'rmagandik.
Van Gal o'yindan oldin Messini yopish mumkin deb aytgandi
Nima Leoni bunchalik jahlini chiqardi? Van Galning o'yindan bir kun oldingi gapi:
"Rejalarimizni sizlarga ochib bermayman, buni qilsam juda ham ahmoqlik bo'ladi. Ammo, Messini qanday to'xtatish haqidagi savolga javob berish oson: paslar chizig'ini yopish kerak. Bu juda ham qiyin bo'ladi deb o'ylamayman. Ha, Messi – ularning eng kreativ o'yinchisi, ammo u to'psiz unchalik faol emas – bu esa bizning imkoniyatimiz".
Lui o'yindan oldin Argentinaning uch markaziy himoyachi sxemasiga o'tganini bildi va bunga izoh berdi:
"Ularda endi hujumda yana bir o'yinchi kam. SHunday ekan, barchasini Messi qilishiga to'g'ri keladi – siz undan pas kutasiz. Unda esa faqatgina bir hujumchiga pas berish qoladi. Bu menga optimizm bermoqda".
Lui umuman olganda yulduzni yopishni uddaladi. Leo 2ta aniq zarba (biri penaltidan) va 1ta muhim pas berdi. Bundan yaxshirog'ini JCH-2022da faqatgina Meksika terma jamoasi (u erda 1ta zarba va 1ta muhim pas) uddalagandi. Ammo, Messi pressingda ishladi (o'z meyorlari bo'yicha ko'p).
Van Gal o'yindan keyin o'tkazilgan matbuot anjumanida shunday dedi: "Ispanchani biroz tushunaman. O'yindan so'ng Argentina terma jamoasi darvozaboni juda ko'p gapirayotganimni aytdi".
"Sizlarni ikki marta zo'rladim". Emiliano Martines penaltilar seriyasidan keyin ham yondi
Van Gal Emiliano Martinesni shunchaki tilga olmadi. Argentina terma jamoasi darvozaboni ikkita qaytarilgan penaltidan so'ng maydondagi qaynoq vaziyat markaziga aylandi. U o'sha paytda Van Galga yoqimsiz gaplarni aytdi. Media "Aston Villa" darvozaboni: "Og'zingni yop, ###### ahmoq! Sizlarni ikki marta zo'rladim!" deb baqirganini yozmoqda.
Martines so'ngra intervyuda nega bunchalik hissiyot bilan munosabat bildirganini aytib berdi:
"Van Gal Niderlandiyada penaltilar bo'lgan taqdirda ustunlik bor ekani va ular yutishini aytdi. U jim o'tirishi kerak deb o'ylayman. Uning so'zlarini telefonga saqlab qo'ydim va o'yindan oldin motivaciya uchun ishlatdim".
Niderlandiya va Argentina o'yini – jahon chempionatidagi eng qo'poli
Niderlandiya va Argentina o'rtasidagi o'yinda hakam Antonio Mateu Laos 15ta sariq kartochka ko'rsatdi. Ispan futbolchilarga hatto penaltilar seriyasida ham (undan oldin ham) ogohlantirishlar berdi.
Yakunda umumiy ogohlantirishlar soni bo'yicha ushbu chorak final jahon chempionati rekordini o'rnatdi – hatto 2006 yilda Portugaliya va Niderlandiya o'rtasidagi "Nyurnberg jangi"da ham 8ta sariq va 4ta qizil kartochka bor edi (ha, ular ham 2ta sariq, ammo ular 1ta qizil kartochka sifatida o'zgargan).
Xo'sh, Argentina yakunda penaltilar seriyasidagi g'alabani shunday nishonladi.
→ VIDEO JCH-2022. Niderlandiya – Argentina 2:2 (Penaltilar seriyasi 3:4)
Bu chiroyli ko'rinmadi, ammo Nikolas Otamendining o'zi nega g'alabali penaltidan so'ng niderlandiyaliklarga nimanidir ko'rsatganini tushuntirdi:
"Men ularning ko'z oldida nishonladim, sababi ularning o'yinchilaridan biri har gal penalti tepishimizda kelib, o'yinchimizga nimalardir dedi. SHunday ekan, ushbu suratni kontekstda ko'rish kerak – biz ularning harakatiga javoban shunday nishonladik".
Bu esa Otamendining so'zlari isboti: niderlandiyaliklar Lautaro Martinesni zarbasi oldidan qurshab olishgan.
Netherlands Wout Weghorst - 83', Wout Weghorst - 90', Teun Koopmeiners - 121', Wout Weghorst - 121', Luuk de Jong - 121' |
World Cup Final Stage . 1/4-tur 10/12/2022, 00:00 6
:
5
Tugadi
|
Argentina Nahuel Molina - 35', Lionel Messi - 73', Lionel Messi - 121', Leandro Paredes - 121', Gonzalo Montiel - 121', Lautaro Martinez - 121' |
Stadion: Lusail Stadium, 88235 tomoshabin
Bosh hakam: Antonio Mateu
Alisher Ostonov tarjimasi
Fikrlar