Messi zilziladan keyin Turkiyaga yordam berish uchun xayriya aukcioniga imzosi tushirilgan futbolkani hadya qildi

6 fevralga o'tar kechasi Turkiyada kuchli zilzila sodir bo'ldi, buning oqibatida mamlakat va aholi katta zarar ko'rdi. So'nggi malumotlarga ko'ra, Turkiyada qurbonlar soni 18342 kishiga etgan, 74 mingdan ortiq kishi jarohatlangan.

"Atalanta" va Turkiya terma jamoasi himoyachisi Merix Demiral PSJ hujumchisi Lionel Messining imzosi tushirilgan libosini xayriya aukcioniga sovg'a qilganini malum qildi. Undan tushgan mablag' zilzila sodir bo'lgan hududni tiklashga sarflanadi.

Avvalroq Turkiyadagi zilzila qurbonlariga yordam berish maqsadida Demiral kimoshdi savdosiga qo'ygan Ronaldu, Dibala va Bonuchchining liboslari 5 million liraga sotilgandi.