Messi PSJ bilan xayrlashdi: "Ajoyib tajriba uchun klubga rahmat aytmoqchiman"

"PSJ sharafini himoya qilish imkoniga ega bo'lganimdan juda xursandman. Men bu jamoada juda ko'p sifatli o'yinchilar bilan o'ynab, zavq oldim. Ajoyib tajriba uchun klubga rahmat aytmoqchiman", – dedi futbolchi.

35 yoshli argentinalik futbolchining parijliklar bilan shartnomasi mavsum oxirida yakuniga etadi. Messi 2021 yilning yozidan buyon PSJda o'ynamoqda – u parijliklar safida 74 ta o'yinda maydonga tushib, 32 ta gol urgan va 35 ta golga assistentlik qilgan.

OAV xabarlariga ko'ra, Messiga asosiy davogarlar Saudiya Arabistonining "Al Hilol" klubi va MLS vakili "Inter Mayami" bo'lib, "Barselona"ga qaytish varianti ham istisno qilinmayapti.