Messi kelajakda Ronaldu bilan do'st bo'lishiga ishonmayapti

"Ronaldu keyingi "Oltin to'p" uchun mening yagona raqibim emas. Bugungi kunda bu sovringa ega chiqishi mumkin bo'lgan ko'plab yaxshi futbolchilar bor. So'nggi yillarda "Oltin to'p" men va Ronalduga topshirildi, biroq ushbu sovringa Neymar, Mbappe va Suareslar davogarlik qilishi mumkin.

Ronaldu kelajakda do'st bo'la olishimiz haqida gapirdi? Bu amalga oshadimi, yo'qmi, bilmayman. Do'stlik birga o'tkazilgan bir qancha vaqtdan so'ng yuzaga keladi. Bizni hech qanday munosabatlar bog'lab turmaydi. Muloqot qilamiz va faqat sovrin topshirish marosimlarida uchrashamiz. Maydondan tashqarida juda kam holatlarda to'qnash kelamiz" - deydi Messi.