Meshal Barsham: "O'zbekiston hurmatga sazovor jamoa"

"O'zbekiston milliy terma jamoasiga qarshi o'yin saralashda katta ahamiyatga ega bo'lmasa-da, biz bu erga g'alaba qozonish niyatida keldik. Oson o'yin bo'lmaydi. O'zbekiston terma jamoasi hurmatga sazovor jamoa, ular jahon chempionatiga yo'llanma olishdi va bu muvaffaqiyat ular uchun bayramdir. Albatta, saralash bosqichidagi vazifamiz hali tugagani yo'q. Oldinda pley-off o'yinlari bor, ammo hozirgi etiborimiz bo'lajak bellashuvga qaratilgan. Yani, bu o'yinda g'alaba qozonishimiz pley-off uchun yaxshi kayfiyat bag'ishlaydi", dedi 27 yoshli futbolchi.

Eslatib o'tamiz, jahon chempionati 3-saralash bosqichi 10-turidan o'rin olgan O'zbekiston – Qatar uchrashuvi 10 iyun kuni Toshkentdagi "Bunyodkor" stadionida o'tkaziladi. O'zbekiston mundial yo'llanmasini muddatidan ilgari hal qilgan bo'lsa, Qatar pley-off bosqichida kurash olib boradi.