Merix Demiral imo-ishorasi uchun UEFA tomonidan diskvalifikaciya qilindi

Nemis matbuoti va hukumati UEFA hamda Turkiya futbol federaciyasiga katta bosim o'tkazmoqda, hatto Germaniyada bu ishorani taqiqlovchi qonun joriy qilishmoqchi. Germaniya Tashqi ishlar vazirligi ham ushbu voqea tufayli Turkiya elchisini chaqirtirdi.

SHu tariqa futbolchi Niderlandiyaga qarshi chorak final uchrashuvini, shuningdek, ehtimoliy yarim finalni o'tkazib yuboradi.

Merix Demiral Germaniyada o'tayotgan Evro-2024 musobaqasi 1/8 finali doirasidagi Avstriyaga qarshi o'yinda urgan golini nishonlash chog'ida "Kulrang bo'rilar" tashkilotining millatchilik ruhidagi ishorasini ko'rsatdi.

"Kulrang bo'rilar" tashkiloti millatchilik g'oyasi va turli ekstremistik harakatlarga aloqadorligi bilan mashhur. Demiral namoyish etgan imo-ishora ko'pincha ushbu tashkilot bilan bog'lanib, kurdlar, armanlar, ossuriyaliklar, yunonlar va boshqalarga qarshi terrorizm, qotillik va boshqa shafqatsiz harakatlarni rag'batlantirishda qo'llanadi.