Mehribonlik uyi tarbiyalanuvchilari o'rtasida "KYU" futbol festivali bo'lib o'tdi

"Sen yolg'iz emassan" fondi, 23-sonli mehribonlik uyi, O'zbekiston Futzal Associaciyasi, "Championat.asia" sayti va FIFA hakami SHuhrat Po'latov hamkorligida tashkil etilgan festivalimizda 22 ("Sardorlar"), 23 ("O'zbekiston"), 30-sonli mehribonlik uylari ("CHilonzor"), SOS bolalar shaharchasi ("Real") va CHirchiqdan 14-sonli mehribonlik uyi tarbiyalanuvchilari ishtirok etdilar. Arenaga tashrif buyurgan muxlislar qiziqarli bahslarga boy uchrashuvlarning guvohi bo'lishdi.

O'yinlar oralig'ida mehribonlik uyi bolalari o'zlarining ajoyib raqslari bilan futbolchi va tashkilotchilarning kayfiyatini yanada ko'tarishdi.

"O'zbekiston" jamoasi raqiblariga hech qanday imkoniyat qoldirmay, barcha o'yinlarda yirik hisobda g'alaba qozondi.

"Real" - "O'zbekiston" 2:15

"Sardorlar" - "CHilonzor" 2:6

"O'zbekiston" - "Sardorlar" 15:0

"Real" - "CHilonzor" 2:4

"Sardorlar" - "Real" 2:1

"O'zbekiston" - "CHilonzor" 8:1

Turnirda ishtirok etgan barcha jamoalarga esdalik sovg'alari va medallar topshirildi. Bularning barchasi Evropa chempionlar ligasiga o'xshardi. Unda jahon chempionatida ishtirok etib qaytgan futzalchilarimiz ham qatnashdilar.

Musobaqaning faxriy mehmonlaridan biri Azamat Abduraimov turnirning eng yaxshi futbolchisiga o'z dastxati tushirilgan to'p va sovg'asini taqdim etdi.

Musobaqani tashkil etishda yordam bergan O'zbekiston futzal Associaciyasi, "Championat.asia", Jamshid Asadov va SHuhrat Po'latovga alohida minnatdorchilik bildirildi. SHu bilan birga, "Joma" kompaniyasi va "Nasaf" FK klubi ishtirokchilarga o'z sovg'alarini taqdim etishdi.

Turnirda olingan eng sara suratlarni bu erda tomosha qilishingiz mumkin: FOTOGALEREYA