Mehmonov va Aliev "Surxon"ni tark etdi

Bugungi yakuniga etgan uchrashuvlarda bitimi tugagan kimlar maydonga tushmasligini kuzatdik. Qiziqib ko'rdik. Bizga bazi futbolchilarning malum qilishlaricha aynan "Surxon"da shunday holat kuzatilgan va vaqtinchalik bo'lsada bitim borasida kelishuvga erishmagan Jahongir Mehmonov va Azam Aliev Superliganing so'nggi turida "So'g'diyona"ga qarshi bahsda qatnashishmay, uyga qaytishni afzal bilishgan. Endi mamlakat Kubogi start oladi va termizliklarda tarkib borasida navbatdagi muammo kuzatilishi extimoli katta.

Yaxshiki, Superligada jon saqlashda raqobat qilayotgan ikkala jamoa-- "Andijon" va "Buxoro" engilishdi. Aksincha bo'lganida,o'z maydonida "So'g'diyona"ga 1:2 hisobida yutqazganliklari tufayli "Surxon" azolari elitani tark etishardi. Etakchi futbolchilarning yo'qligi darrov bilinib qoladi. SHartnoma tuzilayotganda bir oyning kamroq belgilanishidan manfaat topamiz deganlarning jiddiy yanglishganlarini hayotning o'zi isbotlab turibdi.

Abdulhafiz ABDULAZIZ o'g'li