MEDIA TICKET uchun jurnalistlarni ro'yxatga olish boshlandi

Toshkent derbisi maqomini olgan ushbu o'yinga hozirdanoq qiziqish yuqori. CHunki har ikkala jamoa milliy birinchilikda chempionlik uchun kurashmoqda.

Biz ushbu o'yinga kelish istagida bo'lgan OAV xodimlarini ro'yxatga olish boshlanganini malum qilamiz. Ro'yxatdan o'tish uchun Sizdan elektron pochtamizga ism-sharifingiz hamda ish joyingizni yozib yuborish so'raladi. Elektron pochtaga xat yuborgan jurnalistlarga o'yin kuni "Media Ticket" (Matbuot chiptasi) beriladi. "Media Ticket" egasi o'yin payti media tribunada o'tirib ishlash hamda o'yindan keyingi matbuot anjumaniga kirish huquqiga ega bo'ladi.

"Lokomotiv" stadionida jurnalistlar uchun ajratilgan joy unchalik ko'p emas. SHu bois tezroq harakat qilib ro'yxatdan o'tishingizni so'raymiz.

Elektron pochtamiz: lokomotiv.media@mail.ru

Eslatib o'tamiz, "Lokomotiv" - "Paxtakor" bahsi 27 aprel kuni bo'lib o'tadi. O'yinning boshlanish vaqti - 17:00.

Izoh: "Lokomotiv" futbol klubi muhri tushirilgan "Media ticket" (Matbuot chiptasi)gina haqiqiy hisoblanadi.

"Lokomotiv" futbol klubi matbuot xizmati.