“Mashal”: Yoshlarga ishonch – kelajakka ishonch

Ushbu futbolchilar asosiy tarkib bilan bir qatorda mashg'ulotlarda ishtirok etib, o'zlarini istedodlarini namoish etmoqda. Ushbu futbolchilar birinchi yig'in borasida fikrlarini bildirib o'tdi.

O'tgan mavsum “SHo'rtan” safida ijarada o'tkazgan ikki futbolchimiz Durbek Kamolov va Maqsudbek Mahmudov yana jamoaga qaytdi.

Durbek Kamolov – “Mashal” ning asosiy tarkibi bilan mashg'ulotlarda ishtirok etib, o'zimga etarlicha tajribaga ega bo'lmoqdaman. Birinchi navbatda menga o'tgan mavsum o'yin amaliyotini bergan “SHo'rtan” klubi va Muxtor Qurbonovga minnatdorchilik bildiraman. Kelayotgan mavsum asosiy tarkibdan o'rin olib jamoaning g'alabalariga munosib hissa qo'shmoqchiman.

Tursunmurod Hamdamov  – Birinchi ligadan so'ng asosiy tarkibga kirish uchun munosib harakat qilmoqdaman. Mashg'ulotlar juda og'ir bo'lishiga qaramay munosib ishtirok etmoqdaman. O'zim ushbu mavsum asosiy tarkibga kirish uchun bor kuchim bilan harakat qilaman. Bosh murabbiyimizni ishonchini oqlab, asosiy tarkibga kirish uchun harakatni boshladim. Asosiy tarkibga munosib bo'lish uchun bor kuchim bilan harakat qilaman.

Bobur To'raev – Asosiy tarkib mashg'ulotlari etarlicha murakkab deya olaman. Tatildan so'ng biroz jismoniy tayyorgarlikdan oz bo'lsada chiqqan edik. Ayni vaqtda asosan jismoniy holatni tiklash borasida mashg'ulotlar olib bormoqdamiz. Har bir mashg'ulot o'zgachaligi bilan meni qiziqtirmoqda. Albatta kuchli murabbiylardan etarlicha ko'rsatmalarga ega bo'lmoqdamiz.  Asosiy tarkibga kirish uchun jiddiy harakat qilish kerak. Klubning himoya chizig'ida kuchli raqobat bor. Men ham o'z o'rnimni topmoqchiman.

Maqsud Mahmudov – “SHo'rtan”da o'tgan bir  yil davomida ozgina bo'lsa ham katta futbol havosini ko'rdik. Buning uchun albatta klub rahbariyati va bosh murabbiyimizga rahmat aytaman.  “Mashal” men uchun begona klub emas va bu klubga kirishib ketishimda hech qanday muammo bo'lmasligini bilaman. Faqatgina bor kuchim bilan harakat qilib,  asosiy tarkibga kirishga intilaman.  

SHohjahon Qilichev – “Mashal”da o'tgan bir necha yillar davomida asosiy tarkib uchun harakat qildim. Bu yil bosh murabbiy Aleksandr Xomyakov meni asosiy tarkibga jalb etdi. Albatta murabbiyni ishonchini oqlash uchun bor kuchimiz bilan mashg'ulotda ishtirok etmoqdamiz.  Asosiy tarkib mashg'ulotlari albatta og'ir bo'ladi. SHunga qaramay biz etarlicha kuch bilan harakat qilamiz. Asosiy tarkibga kirish har bir futbolchini orzusi. Himoyadagi kuchli raqobatda albatta o'sishga erishaman deb o'ylayman.

SHohruh Dostonov – Yoshlar ligasi bilan asosiy tarkib o'rtasida katta farq bor. Buni bilgan holda asosiy tarkib mashg'ulotlarida o'zimni ko'rsatishim kerak. Yoshlar ligasi to'purar bo'lish oson deya olmayman. Lekin asosiy tarkibda bitta gol urish ham katta mehnat talab qiladi. Bu mehnatni biz asosiy tarkib mashg'ulotlarida ko'rsatib, o'yinda isbotlashimiz kerak.  Mashg'ulotlar oson deya olmayman. SHunga qaramay men uchun juda ham qiziqarli o'tmoqda. “Paxtakor”ga qarshi bo'lib o'tgan nazorat bahsida gol urishga harakat qildim. Albatta keyingi uchrashuvlarda gol kiritishni maqsad qilganman.