"Mashal": CHipta narxlari arzonlashtirildi

Futbol turlarining yozgi mavsumga o'tganligi va ob-havoning oshirib borishi natijasida stadionga muxlislar tashrifi kamayishi kutilmoqda. Imkon qadar kechki vaqtga belgilanib borayotgan uchrashuvlarimizga stadionimiz muxlislar bilan to'lishini istaymiz. Olib borilgan ishlar samarasida "Mashal"ning uy uchrashuvlarida bevosita stadiondan kuzatib boruvchi muxlislarimiz uchun kirish chiptalari arzonlashtirildi. Unga ko'ra endi uy uchrashuvlariga kirish narxlari 3000 ming, 2000 ming va 500 so'm etib belgilandi.
 
Birinchi toifa chiptalari faqatgina birinchi va ikkinchi sektor uchun amal qiladi va 3000 ming so'mdan bo'ladi. Stadionning futbolchilar chiqib kelishiga qarama-qarshi joylashgan, yani VIP va CIP sektorning ikki qanotida joylashgan qismlarga mazkur narx belgilangan.

Ikkinchi toifa chiptalari 2000 ming so'mdan bo'lib , bunga 4-5-6-7 sektorlar kiradi. Undan tashqari uchinchi va sakkizinchi sektor narxlari ham bu toifa ichiga kiradi.

Uchinchi toifa chiptalari 500 so'mdan belgilangan bo'lib , bu 12 yoshgacha bo'lgan muxlislar uchun mo'ljallangan.

Belgilangan narxlar jamoaning 23 may kuni "Qizilqum"ga qarshi bo'lib o'tadigan o'yinidan boshlab amalda bo'ladi.

Eslatib o'tamiz, bu o'yin 23 may kuni 18:00 da start oladi. Muxlislarni mazkur o'yinga chorlab qolamiz.