"Mashal-2" Qashqadaryo hokimi kubogining yarim finalida o'ynaydi

Unda "Mashal"ning birinchi ligadagi "Mashal-2" jamoasi ham ishtirok etmoqda. Dilshod Andaev boshchiligidagi jamoamiz kecha guruh bosqichidagi so'nggi 4-tur bahsini o'tkazdi. 1 fevral kuni esa 3 tur bahsini o'tkazgan edi. 3 tur o'yinida "Nuriston"ga qarshi maydonga tushgan futbolchilarimiz 2:1 hisobida g'alabaga erishdi. Gollarga Temur Yumangulov va Mirjalol Qosimov mualliflik qildi.

Qashqadaryo hokimi kubogi, 3-tur.
Koson. 01.02.2015

"Mashal-2" - "Nuriston" 2:1
Gollar: Temur Yumangulov, Mirjalol Qosimov.

Guruhdagi so'nggi tur bahslari kecha bo'lib o'tdi. "Mashal-2" unda "Po'lati"ga qarshi o'yin o'tkazib, 2:2 hisobida durang o'ynadi. Guruhdan chiqishni uddalab bo'lgan jamoamiz bu o'yinda bir qator ko'rikdagi futbolchilar xizmatidan foydalandi.

Qashqadaryo hokimi kubogi, 4-tur.
Qarshi. 03.02.2015

"Mashal-2" - "Po'lati"  2:2
Gollar: Mirjalol Qosimov, Sardor Sulaymonov.

Ushbu natijalardan qayd etgan birinchi ligamiz jamoasi guruhda 3 ta g'alaba ("SHo'rtan-2"  4:0, "Alanga" 2:0 , "Nuriston" 2:1 ), bitta durang ("Po'lati" 2:2 ) qayd etib , 10 ochko bilan birinchi o'rinda tugatdi.

Endi har ikki guruhda birinchi va ikkinchi o'rinni qo'lga kiritgan jamoalar yarim finalga yo'l oldi. "A" guruhidan "SHo'rtan" (yoshlar) va "Nasaf" (yoshlar) jamoalari chiqishni uddalagan bo'lsa, "B" guruhidan "Mashal-2" va "Nuriston" yarim finalga chiqdi.  Yarim final bahslarining birinchisi  mos ravishda "A" guruhi g'olibi "SHo'rtan" (yoshlar) va "B" guruhining ikkinchi o'rin sohibi "Nuriston" jamoalari o'rtasida bo'lsa, ikkinchi o'yin "B" guruh g'olibi "Mashal-2" va  "A" guruhining ikkinchi o'rin sohibi "Nasaf" (yoshlar) o'rtasida bo'lib o'tadi. Har ikki yarim final bahsi ertaga "Nasaf" akademiyasining suniy maydonida 10:00 va 12:00 da bo'lib o'tadi.