Mart oyida O'zbekiston - Qozog'iston o'rtoqlik o'yini o'tkazilishi mumkin
16 noy 2019 15:02
Yangiliklar
![](https://championat.asia/upload/storage/529292_original.jpg)
![](/upload/storage/529292_220.jpg)
Mart oyida O'zbekiston - Qozog'iston o'rtoqlik o'yini o'tkazilishi mumkin
Bu haqda "Kozhakhmet_inside" Telegram kanalida malum qilindi.
"Qozog'iston terma jamoasi 2007 yilda bir qator esda qolarli bahslar o'tkazgan, ularning orasidagi eng shov-shuvlisi Serbiya ustidan qozonilgan g'alaba edi.
O'sha paytlar liga va federaciya bitta tashkilot bo'lgan va terma jamoa qiziqishlari doirasida har qanday ishni bajarsa bo'lardi. Masalan, 14 kunlab yig'in o'tkazish. Serbiyaga qarshi bahsdan bir oy oldin SHimkentda "Alma-TV Kubogi" o'tkazildi. Unda Qozog'iston, O'zbekiston, Ozarbayjon va Qirg'iziston terma jamoalari ishtirok etgan. Turnir o'zbeklar ustidan qozonilgan "mojaroli" g'alaba bilan yakunlangan (bahs durang bilan tugagan, ammo turnirda biz yutganmiz). O'sha uchrashuvda qirg'izistonlik hakam janubdagi qo'shnilarimizni ochiqchasiga "o'ldirgan". O'sha o'yinda stadionda edim va hisob 1:1 paytida Anvar Soliev bizning jarima maydonchamiz ichida yiqitildi, biroq xushtak chalinmadi. Hammasi shunday keyin boshlandi! O'zbekiston terma jamoasi hakamlarga tashlanib qoldi, massajki ko'z o'ngimda laynsmenga zarba berdi. Umuman olganda, juda katta janjal bo'lgan.
O'yindan keyingi matbuot anjumaniga murabbiy o'rniga O'zbekiston futbol federaciyasi menejeri Alisher Nikimbaev kelgan va maydondagi vaziyat haqida "olovli" gaplarni aytib, quyidagicha bayonot bergan: O'zbekiston terma jamoasi endi hech qachon har qanday darajada Qozog'iston bilan o'ynamaydi. SHunday qilib, ikki mamlakat o'rtasidagi futbol munosabatlari yakuniga etgandi.
Mana, oradan 13 yil o'tdi, O'zbekiston va Qozog'iston o'sha mojaroli bahsdan so'ng o'zining ilk uchrashuvini o'tkazishi mumkin. Hozir ikkala federaciyalar bu borada muzokaralar o'tkazishmoqda. Uchrashuv mart oyida o'tkazilishi rejalashtirilyapti, bahsga Toshkent mezbonlik qilishi mumkin.
Juda qiziq. Biz har sohada O'zbekiston bilan ashaddiy raqibmiz. SHu sababli ushbu o'yin katta qiziqishlarga sabab bo'lishi mumkin" - deyiladi "Kozhakhmet_inside" kanalida.
Taniqli futbol mutaxassisi Alisher Nikimbaev o'z Telegram kanalida ushbu malumotga fikr bildirdi.
"Aniqlik kiritmoqchiman:
1. O'sha o'yinda mag'lub bo'lmaganmiz, durang qayd etilgan.
2. Men Qozog'iston bilan boshqa o'ynamaymiz demaganman. Munosabat o'zgarmagunicha uchrashuv o'tkazmaymiz deganman. CHunki "Alma-TV Kubogi"da sodir bo'lgani birinchi bunday voqea emasdi.
3. Qozog'istonga qarshi bahsdan oldin o'sha paytdagi QFF rahbarlaridan biri, sobiq hakam Aleksandr Kulakov meni referilar xonasiga taklif qildi va hakamlardan uchrashuvni halol boshqarishni so'radi. Ularning tushunchasi bo'yicha "halol" shunday bo'lsa kerak.
4. Umuman olganda, o'sha bahsni ozarbayjonlik hakamlar brigadasi boshqarishi kerak edi, ammo tashkilotchilar Dmitriy Mashencev boshchiligidagi arbitrlarni tayinlashdi. Bu qaror nafaqat bizni, balki Ozarbayjon va Qirg'iziston delegaciyasini (Mashencevdan tashqari) ham g'azablantirdi.
5. O'sha voqea uchun shaxsan meni mukofot pulidan ayirishdi.
Mart oyida Toshkentda o'tkaziladigan bahs haqida to'xtalsak. Nega endi yo'q? QFFning o'sha rahbarlari hozir futbolda emas, mamlakatlar va federaciyalar o'rtasidagi munosabat yaxshi tomonga o'zgargan. Uchrashuv o'tkazib, kim kuchliroq ekanini aniqlash vaqti keldi" - deb yozadi Nikimbaev.
O’xshash yangiliklar
![AMP Logo](https://championat.asia/image/logo-amp.png)
Fikrlar