"Manchester Siti" futbolchisi: "Karantin vaqtida asosan dars qilyapman"

"Nafaqat Ispaniya, balki barcha uchun qiyin vaqt o'tmoqda. Biz aniq raqamlarni ham kelajakda nimalar bo'lishini ham bilmaymiz. Virus bilan zararlangan ko'plab tanishlarimiz bor. Karantinni esa iloji boricha foydali o'tkazyapman.

Universitetdan berilgan uyga vazifalarni tayyorlayapman. Bir necha kunlardan keyin imtihon boshlanadi. Albatta mashg'ulot qilib, jismoniy holatimni ham ushlab turishga intilyapman. Biroq diplom kelajakda kerak bo'lib qolishi mumkin. Futbolda nimalar bo'lmaydi deysiz. Futbolchilik faoliyatimni yakunlaganimdan keyin shu sohada qolishni istagan bo'lardim", - dedi Rodri.