Mamur Otaqulov: “G'ijduvon” kelgusida oliy ligaga chiqish uchun kurashadi”

Quradan so'ng Otaqulovning fikrlari bilan qiziqdik.

- O'tgan yili jamoamiz birinchi ligada ilk mavsumini o'tkazdi. Afsuski ikkinchi bosqichga chiqa olmadik. Lekin shunga qaramay, yigitlarni tarqatib yubormadik va aksincha ular bilan yanada ishladik. Joriy mavsum ham birinchi ligada ishtirok etishni ko'zlayotganimiz uchun tarkibimizni yanada kuchaytirishga urindik. Asosiy etiborni baribir mahalliy futbolchilarga qaratdik. Yig'inni noyabr oyidan boshlaganmiz. Hozircha hammasi ko'ngildagidek. SHaroitlar ham o'tgan yilga nisbatan ancha yaxshi. Stadion qurilish ishlari tugatib bo'lindi", - deb gap boshladi Otaqulov.

- Jamoamizning bosh homiysi deb biror nomzodni aytib bo'lmaydi. CHunki tumandagi bir qator tashkilotlar biriktirilgan. Ularning amaliy ko'magi asosida jamoani shakllantirib bormoqdamiz.

- Yuqorida aytib o'tganimdek, tarkibda asosan buxorolik futbolchilardir. Ishqibozlarimizga yaxshi tanish bo'lgan darvozabon Maqsud SHabanovni ham tarkibga jalb etganmiz.

- Bosh murabbiyning faoliyatidan qoniqish xosil qilyapmiz. 28 yoshli Sattorov o'qib-izlanuvchan murabbiylar toifasiga kiradi. Unda kerakli murabbiylik licenziyasi mavjud.

- Bugungi qura yaxshi o'tdi deb o'ylayman. O'tgan yili ham Kubokda ilk o'yinimizni safarda o'tkazgandik. Bu yil o'z maydonimizda o'ynashni niyat qilgan bo'lsakda, qura baribir o'z so'zini aytdi.

- Bu yil “G'ijduvon” o'z oldiga eng avvalo keyingi bosqich yo'llanmasini qo'lga kiritishni maqsad qilgan. Eng kamida 16ta jamoa orasida bo'lish. Qolaversa 4-5-o'rinlarni egallasak ham biz uchun yaxshi natija bo'ladi. 2-3 yil shu tariqa tajriba orttirib, kelajakda oliy ligaga chiqish uchun kurashamiz.

Islombek Rustambekov yozib oldi