Mamur Ikromov: "Bugungi o'yinda ham darvozada Zuhurov tursa kerak"

Mazkur bahsdan oldin, saytimiz orqali sizlarga murabbiylar va futbolchilarning fikrlarini berib bormoqdamiz. Bu safargi navbat Mamur Ikromovga etib keldi.

"Metallurg" posboni o'yinoldi fikrlarini bildirar ekan, jumladan shunday dedi: “Futbolchilarmiz safardagi dastlabki bahsda yomon o'yin ko'rsatishmadi. Iordaniyalik futbolchilar o'yinning boshlarida, hujumkorlikni oshirishga harakat qilishdi. Biroq keyinchalik, raqib futbolchilari charchab qoldi shekilli, yigitlarimiz ustunlikni o'z qo'liga olishdi. O'yinni nazorat qilish va to'pni ushlab turish borasida usunlikka erishdik deb o'ylayman”.

“Bunday pley-off bahslari oldidan, biror bir jamoani imkoniyatini yuqori baholash qiyin. Lekin bugun terma jamoamizning, o'z maydonida muxlislar qarshisida o'ynashini inobatga oladigan bo'lsak, biroz ustunlik biz tomonda deyish mumkin. Taxminan, 2:0 yoki 3:0 hisobida g'alaba qozonamiz”.

“Dastlabki o'yinda darvozada turgan Murod Zuhurov yomon harakat qilmadi. Menimcha, bugungi o'yinda ham darvozani Zuhurov qo'riqlasa kerak. SHuningdek tarkibda ham katta o'zgarishlar qilinmasa kerak”.


Islombek Rustambekov yozib oldi