So’nggi yangiliklar

18:15"Манчестер Юнайтед" собиқ ҳимоячиси "Астон Вилла"га ўтмоқда  0 18:00АПЛ. "Брайтон" - "Манчестер Сити" 0:1 (матнли трансляция)  4 17:44Энцо Мареска: "Жароҳатларнинг кўплиги бежизга эмас"  0 17:16"Қайрат": "Реал" билан ўйин учун чипталар сотувга чиқарилмаган ва нархлар тасдиқланмаган"  0 16:56"Милан" "Ливерпуль" ҳимоячисини сотиб олмоқчи  0 16:45АПЛ. "Брайтон" - "Манчестер Сити" баҳси асосий таркиблари маълум: Абдуқодир Ҳусанов асосий таркибга қайтди!   12 16:26Жейми Вардининг навбатдаги жамоаси маълум!  4 15:52Пол Паркер: "Де Хеа қайтмаса керак"  3 15:30Эрик тен Хаг истеъфога чиқиш арафасида  9 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  16 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  4 13:35Аканжи "Манчестер Сити"ни Лондон клубига алмаштириши мумкин  0

Maksim SHackix "Al Vasl"ga qarshi o'yindan so'ng Championat.Asia saytiga intervyu berdi Yangiliklar

Maksim SHackix "Al Vasl"ga qarshi o'yindan so'ng Championat.Asia saytiga intervyu berdi

Elit Osiyo chempionlar ligasi 1-turidan o'rin olgan "Al Vasl"ga qarshi bahsdan so'ng (0:1) "Paxtakor" bosh murabbiyi Maksim SHackix Championat.Asia saytiga kichik intervyu berdi.

Intervyuda murabbiy o'z jamoasi o'yini, yaqin kelajak rejalari va O'zbekiston milliy terma jamoasi haqida fikr bildirdi.

- So'nggi vaqtlarda "Paxtakor"ning natijalari quvontirmayapti. Bu nima bilan bog'liq?

- Hozir jamoa qurish davom etmoqda. "Paxtakor" qishda qanday o'zgarishlarga to'qnash kelganidan xabaringiz bor. Oldimizga qo'yilgan vazifalarni bajarish uchun nimalar etishmayotganini bilamiz. Yil oxiriga qadar Superligadagi vaziyatni yaxshilashga, Elit OCHLda munosib ishtirok etishga harakat qilamiz. Hozir "Paxtakor"da "perezagruzka" davom etmoqda. Uning mevasini keyingi yil ko'ramiz.
Muxlislarga murojaat qilmoqchiman. Qo'llab-quvvatlovingiz uchun rahmat, jamoa har bir o'yinda buni his qilib turibdi. Bunday oson bo'lmagan vaqtda biroz sabr qilish kerak. Keyingi mavsum biz kuchliroq bo'lamiz. "Paxtakor" butkul boshqacha bo'ladi.

- Sizningcha "Paxtakor" keyingi yil chempionlik uchun kurasha oladimi?

- "Paxtakor" har yili chempionlik uchun kurashishi va Elit OCHLda ishtirok etishi kerak. Bu muhokama qilinmaydi ham. Hozir klubning kelajagi uchun natijalarni biroz qurbon qilishimizga to'g'ri kelmoqda.
"Paxtakor" butkul boshqa yo'ldan ketmoqda: biz hoziroq natija qilish uchun qimmatbaho legionerlar va yoshi katta futbolchilarni xarid qilmaymiz. Biz uzoq muddat uchun poydevor quryamiz, uning asosi - yosh futbolchilar va akademiyamiz tarbiyalanuvchilari. Keyingi mavsum biz chempion bo'lishimizga ishonchim komil.




- Klubning selekciyasini qanday baholaysiz?

- Selekciyadan qoniqdim. Faqatgina kuchli hujumchini o'z tarkibimizga qo'sha olmadik xolos. Rahbariyat ham, biz ham hozir aynan shu nuqtani kuchaytirish kerakligini tushunib turibmiz. Yangi mavsum boshida klubga olib kelish uchun kuchli hujumchini izlashni boshlab yuborganmiz.
Qolgan nuqtalar bo'yicha muammo yo'q, har bir poziciyada kamida ikkitadan teng kuchli futbolchi bor. Bu jamoa chempion bo'la oladi. Asosiysi - keyingi yilga tarkibni saqlab qolish va hujumchi xarid qilish.

- O'zbekiston milliy terma jamoasining 2026 yilgi Jahon chempionatiga chiqish imkoniyatlarini qanday baholaysiz?

- Dastlabki ikki o'yindan keyin jamoamiz yaxshi tempda ketmoqda. Mundialga chiqish imkoniyati ajoyib. Bizda kuchli avlod va qobiliyatli yosh futbolchilar bor. Agar jamoa shunday davom etsa (bu birinchi navbatda natijalar haqida), JCH-2026ga chiqishimizga shubha qilmayman va biz bunga loyiqmiz.


Emil Bekmuxammedov suhbatlashdi

Reyting: +7   

Fikrlar

championat.asia
< so’nggi yangiliklarni ko’rish
Яндекс.Метрика