Mahdi Ali: "O'zbekiston o'z darajasida o'ynadi"

"Bugun biz o'ynamadik deya olmayman, shunchaki O'zbekiston o'z darajasidagi o'yinni namoyish etdi xolos. Biz bilan o'yinlarda ulardan doimo omad yuz o'girib kelayotgan edi. Bugun raqiblarimiz safida harakat qilgan futbolchilar o'zlariga bildirilgan ishonchni to'liq oqladilar. Aslini olganda ular nima uchun Qatar va Bahraynni yuta olmaganliklarini tushuna olmadim, balki moslashish jarayoni sababdir. Menga ko'proq Odil Ahmedov va himoya markazidagi Anzur Ismoilovning o'yinlari yoqdi. Aziz Haydarovni men aytib o'tirmayman, barchangiz bilasiz. Bu o'yin bilan hayot to'xtab qolmaydi, endi keyingi o'yinlarga tayyorgarlik ko'rgan holda, Osiyo Kubogida munosib ishtirok etishga harakat qilamiz", - deydi Mahdi Ali o'yindan keyin.