"Lokomotiv"ning OCHLdagi raqibi: "Al Ayn" qanday tayyorgarlik ko'rmoqda?

"Temiryo'lchilar" safarda "Al Ayn"ga qarshi bahs olib borishadi. Xo'sh, bu jamoa "Lokomotiv" bilan bo'ladigan o'yinga qanday tayyorgarlik ko'rmoqda?

Avvalo shuni aytish lozim, BAAda hali milliy chempionat boshlangani yo'q. SHu bois "Al Ayn" hozircha faqat o'rtoqlik uchrashuvlari o'tkazish orqali bo'lajak bellashuvga tayyorgarlik olib boryapti. Jamoa dastlab Avstriyada yig'in o'tkazdi va u erda ikkita o'rtoqlik bahsida maydonga tushdi. Ikkala o'yin ham Italiya klublari bilan kechdi. "Udineze" - "Al Ayn" 3:0 va "Bolonya" - "Al Ayn" 2:0.

Jamoa Avstriyadan qaytib kelgach, dastlab futbolchilarga dam berildi va keyin esa mashg'ulotlar yana davom ettirildi. "Al Ayn" kecha Ummonning "Al Suvayq" klubiga qarshi o'rtoqlik uchrashuvi o'tkazib, 2:3 hisobida mag'lub bo'ldi. Bu o'yin yopiq holda o'tkazilgani bois jamoa tarkibi va kimlar gol urgani hech qaerda elon qilinmagan. "Al Ayn" bugun ham o'rtoqlik bahsida maydonga tushadi. Raqib - Ummonning boshqa bir jamoasi "Saham". Mazkur bellashuv ham yopiq eshiklar ortida bo'lib o'tadi.