"Lokomotiv"ning 35ta o'yinlik mag'lubiyatsiz seriyasiga "Mashal" chek qo'ydi
25 iyu 2016 22:23
Yangiliklar

"Lokomotiv"ning 35ta o'yinlik mag'lubiyatsiz seriyasiga "Mashal" chek qo'ydi

Bugun Toshkentning "Lokomotiv" klubi O'zbekiston kubogi 1/4 finalida "Mashal" klubini qabul qilib 1:2 hisobida mag'lub bo'ldi.

SHunday qilib, "temiryo'lchilar"ning mag'lubiyatsiz seriyasi 35ta o'yinda o'z yakuniga etdi.

Jamoa rasmiy o'yinda so'nggi bor 2015 yil 12 sentyabr sanasida mag'lub bo'lgan edi. Oliy liga doirasidagi "Paxtakor"ga qarshi o'yin 1:2 hisobida tugagandi.

SHundan keyin bo'lib o'tgan 35ta o'yinning hech birida "Lokomotiv" yutqazmadi.

O'tgan yil oliy ligada oxirgi 9ta turda, O'zbekiston kubogi yarim finali javob bahsida "Nasaf" bilan uchrashuvda, bu yil oliy liganing dastlabki 14ta turida, OCHL doirasidagi 8ta o'yinda va O'zbekiston kubogi 1/8 finalida "UzDongJu" bilan ikki uchrashuvida, "Mashal" bilan chorak final doirasidagi ilk o'yinda "temiryo'lchilar" jami 26ta g'alaba va 9ta durang qayd etishdi.

Havola :

Manba : championat.asia

Yangiliklarni Telegramda o'qing!

Reyting: +11