"Lokomotiv" yangi mavsumga tayyorgarlikni boshladi FOTO

"Lokomotiv"ning yakunlangan mavsumda ijara asosida boshqa klublar sharafini himoya qilgan azolari ham jamoa safiga qaytib, hozirda "temiryo'lchilar" safida mao'g'ulotlarda ishtirok etmoqda.

Xususan, ikkinchi davrani "Neftchi" safida o'tkazgan Sardor Mirzaev hamda Sardor Rahmonov, shuningdek "Qo'qon 1912" tarkibida ajoyib o'yinlar namoyish etgan Donyor Usmonov yana jamoa safiga qaytdi. SHu bilan birga asosiy tarkib mashg'ulotlariga avvalgi mavsumni Yoshlar jamoasida o'tkazgan Ikrom Aliboev, Xurshid Muxtorov, Sarvar Karimov kabi futbolchilar ham jalb etilgan.

Avvalgi mavsumnining ikkinchi yarmini jiddiy jarohati sabab o'tkazib yuborgan 16-raqam sohibi - Jasur Hasanov o'z jismoniy holatini ancha tiklab oldi va u umumiy guruh bilan shug'ullanyapti. Mavsum avvaliga qadar u maydonga tushishga tayyor bo'ladi.

Avtofalokat tufayli ancha vaqt jamoa bilan shug'ullana olmagan Ivan Nagaev ham mashg'ulotlarda ishtirok etmoqda. Hozircha u individul tarzda mashq qilayotgan bo'lsa-da, tez orada umumiy guruhga qo'shilishi kutilyapti.

Mashg'ulotlar ko'tarinki kayfiyatda o'tayotganini esa suratlardan ham sezish qiyin emas.

Bosh murabbiy Vadim Abramov oyog'idan jarohat olgani sababli mashg'ulotlarni bevosita maydonda turib o'tkazish vazifasini Marat Miftaxudinov bajarmoqda.

Vadim Karlenovich esa barcha jarayonni maydon chetidan turib boshqarib bormoqda

"Lokomotiv" yangi yilga qadar mashg'ulotlarni Toshkentda olib boradi. Yanvar oyi avvalida esa Birlashgan Arab Amirliklariga o'quv-yig'ini o'tkazish uchun jo'nab ketadi.