“Lokomotiv” safida “Al Sadd” darvozasini ikki bor ishg'ol qilgan futbolchi bilan suhbat

“Temiryo'lchilar” guruh bosqichida “Al Hilol”, “Fulad”, “Al Sadd” kabi jiddiy raqiblarga duch kelgandi.”Lokomotiv” Qatardagi bahsda 6-2 hisobida mag'lub bo'lgan, o'z maydonida esa yirik 5-0 hisobida g'alabani tantana qilgan edi. Usha o'yinlarda gollarga chernogoriyalik Damir Koyashevich mualliflik qilgandi. Ayniqsa uning “Al Sadd” darvozasiga jarimadan kiritgan goli hamon barchaning yodida. Yaqinda futbolchi bilan bog'lanib saytimiz uchun intervyu oldik.

- Faoliyatingizga nazar tashlaydigan bo'lsak bir jamoada uzoq qolmaganingizni ko'ramiz. So'nggi klubingiz “Radnichki”da ham ko'p vaqt to'p tepmadingiz. Hozirgi klubingiz “Suteska” bilan ham shunday holat takrorlanishi mumkinmi?
- Bu-futbol. Unda gohida o'zingiz istamagan holatlar bo'lib turadi. Muhimi o'z yurtimdaman. Oilam va yaqinlarim yonimda. “Lokomotiv”dan keyingi hayotim turlicha kechdi. “Astana”ga qaytdim u erdan so'ng uyga yani, CHernogoriyaga qaytdim. Nazarimda usha vaqtda o'zim uchun to'g'ri bo'lgan qarorni qabul qildim. CHunki, oilam bilan bog'liq muammolar yuzaga kela boshlagandi. Makedoniyaning “Vardar” klubidagi o'yinlarim bilan terma jamoadan taklif oldim.

- Terma jamoadagi harakatlaringiz o'zingizga maqul kelyaptimi? Muxlislarning tanqidlariga qanday munosabat bildirasiz?
- CHernogoriya terma jamoasi yosh futbolchilardan iborat, Evropadagi eng yosh terma jamoalar sirasiga kiradi. Taklif olganimda xursand bo'ldim. Harakatlarimga ishqibozlar baho bergani yaxshi.

- "Lokomotiv”ni erta tark etishingiz moliyaviy muammolar bilan bog'liqmi yoki siz murabbiy istagan o'yinni namoyish eta olmadingizmi?
- To'g'ri aytdingiz, u erda juda qisqa o'ynadim. Boisi klub meni “Astana”dan ijaraga olgandi. Qozog'iston klubi bilan shartnomam bor edi, transfer huquqim ularga tegishli edi. Futbolchilar, murabbiylar bilan aloqa yaxshi bo'lgan.

- Murabbiy Vadim Abramov joriy yilda yosh futbolchilardan iborat “Bunyodkor” jamoasi bilan uchinchi o'rinni qo'lga kiritdi. Abramov haqida qanday fikr bildirasiz?
- U ajoyib inson va tajribali mutahassi hisoblanadi. Terma jamoada faoliyat yuritayotganidan xabardorman. SHaxsan mening fikrimcha u O'zbekistondagi eng yaxshi murabbiy. Ichki chempionatdagi uchrashuvlarni kuzatib bordim. Abramovning jamoasi chiroyli o'yin namoyish etdi. Klubdagi ilk mavsumidayoq qanday natijalar qayd etganini ko'rdingiz. U yoshlar bilan ishlashni yaxshi ko'radi. Yurtingizdagi qisqa faoliyatim mobaynida bunga guvoh bo'ldim.

- Hamyurtingiz va do'stingiz Marko Simich ikki yildan oshiq “Paxtakor” jamoasida to'p tepib kelyapti. U ushbu mavsum trebl sohibi bo'ldi. Uning uchun xursand bo'lishingiz tabiiy...
- Ha. Marko Simich mening do'stim. Terma jamoada birga to'p tepamiz. U yaxshi saviyadagi himoyachi. “Paxtakor” barcha sovrinlarni o'ziniki qildi. CHunki, ularda mahoratli hujumchi to'purar Dragan CHeran bor. Ularning juftligida klub mamlakat chempioni va kubogi sohibi bo'ldi. CHeran va Simich uchun judayam xursandman.

- Eshitshimizga qaraganda “Lokomotiv”dagi jamoadoshingiz Alisher SHog'ulomov bilan aloqalaringiz saqlanib qolingan ekan. Biroq, u erta butsalarini mixga ildi. O'z vaqtida iqtidorli va tezkor hujumchi edi. Bunga qanday munosabat bildirasiz?
- Ha to'g'ri topdingiz. Alisher bilan bir jamoada bo'lganman. Faoliyatini erta tugatishini kutmagandim. Menimcha u kuchli murabbiy bo'lib etishadi. Unda potencial bor.

Abdulaziz Iskandarov suhbatlashdi