"Lokomotiv": OCHL yakunlari. 23 futbolchi va 10ta gol

O'z tarixida ilk bor OCHL guruh bosqichida qatnashgan "Lokomotiv" oltita o'yin o'tkazib, bir marta g'alaba qozondi va bir bor durang o'ynadi. SHuningdek, to'rtta uchrashuvda mag'lub bo'ldik. "Temiryo'lchilar" o'z uylarida Qatarning "Al Sadd" klubini 5:0 hisobida mag'lub etishdi. Eronning "Fulad" jamoasi bilan 1:1 o'ynashdi.

"Al Hilol" bilan kechgan har ikkala bahsda mag'lubiyatga uchragan bo'lsak, safarda "Al Sadd" va "Fulad"ga ham imkoniyatni boy berdik. "Lokomotiv" bosh murabbiyi Vadim Abramov mana shu o'yinlarda jami 23 nafar futbolchi xizmatidan foydalandi. Faqat ikki nafar o'yinchigina hamma uchrashuvlarda ishtirok etdi. Bu - Temurxo'ja Abduxoliqov bilan Nemanya Yanichich. Aytgancha, Temurxo'ja o'z hisobiga bitta gol ham yozib qo'ydi.

"Lokomotiv" futbolchilari guruh o'yinlarida jami 10ta gol urishdi. Taqqoslash uchun "Bunyodkor" 2ta, "Paxtakor" 6ta, "Nasaf" esa 5ta gol urdi. Ammo 10ta gol urib ham "Loko" guruhdan chiqa olmadi. Aksincha, "Lokomotiv"ga nisbatan bitta kam to'p kiritgan "Al Hilol" bilan "Al Sadd" guruhdan chiqishni uddaladi. Abramov shogirdlari faqat safarda "Fulad" bilan kechgan bahsdagina to'p kirita olishmadi xolos.

Achinarlisi shuki, "Lokomotiv" o'nta gol urib ham guruhdan chiqa olmadi. Buning ustiga jamoamiz musobaqani oxirgi o'rinda tugatdi. Ammo futbolchilarimiz OCHLda qatnashib, o'ziga yarasha tajriba to'plashdi deb o'ylaymiz.

Kim nechta o'ynadi?
Temurxo'ja Abduxoliqov -6
Nemanya Yanichich-6
Lutfulla To'raev -5
Temur Kapadze -5
Ruslan Koryan -5
Sanjar SHoahmedov -5
Jasur Hasanov (kichik) -5
Jasur Hasanov (katta) -5
SHavkat Mullajonov -4
Sardor Mirzaev -4
Islom To'xtaxo'jaev -4
Oleg Zoteev -4
Mamur Ikromov -4
Damir Koyashevich -4
Salim Mustafoev -4
Marat Bikmaev -3
Ikrom Aliboev -3
Dilshod Rahmatullaev -3
Alisher SHog'ulomov -1
Ignatiy Nesterov -1
Bobur Yo'ldoshev -1
Ibrohim Rahimov -1
Abror Karimov -1

"Lokomotiv" qayd etgan natijalar
1-tur. 25 fevral
"Al Hilol" - "Lokomotiv" 3:1
Gol: Sardor Mirzaev

2-tur. 4 mart
"Lokomotiv" - "Fulad" 1:1
Gol: Oleg Zoteev

3-tur. 17 mart
"Al Sadd" - "Lokomotiv" 6:2
Gol: Damir Koyashevich, Jasur Hasanov (penalti)

4-tur. 8 aprel
"Lokomotiv" - "Al Sadd" 5:0
Gol: Marat Bikmaev (2), Sanjar SHoahmedov, Ruslan Koryan, Damir Koyashevich.

5-tur. 21 aprel
"Lokomotiv" - "Al Hilol" 1:2
Gol: Temurxo'ja Abduxoliqov

6-tur. 5 may
"Fulad" - "Lokomotiv" 1:0