"Lokomotiv" mashg'ulotlariga chernogoriyalik hujumchi qo'shildi

CHernogoriyalik hujumchi Ivan Vukovich hozircha ko'rikdan o'tmoqda. Uning jamoada qolish-qolmasligi hali aniq emas.

Malumot o'rnida shuni aytib o'tishimiz mumkin, Ivan Vukovich 1987 yilda tug'ilgan bo'lib, hujum chizig'ida to'p tepadi. Faoliyati davomida Xorvatiyaning "Xayduk", Janubiy Koreyaning "Seongnam", Serbiyaning "OFK Beograd", CHernogoriyaning "Mladost", shuningdek Isroilning "Makkabi Netanya" klublarida to'p surgan. Bo'yi 179 sm. bo'lgan hujumchi ham hujum chizig'ida, ham hujum ortida birdek o'ynay oladi.

Ivan Vukovich Evropa Ligasi bahslarida ham ishtirok etgan. Xususan, u 2012 yil 9 avgustda bo'lib o'tgan Evropa ligasi uchinchi saralash bosqichida Milanning "Inter" klubiga qarshi maydonga tushib, juda chiroyli gol muallifi bo'lgan. O'shanda futbolchi "Xayduk" safida o'ynardi. Bundan tashqari, Vukovich 2009 yilning 18 noyabrida CHernogoriya milliy terma jamoasida o'z debyutini nishonlagan. CHernogoriyaliklar Belarus termasiga qarshi o'rtoqlik uchrashuvida maydonga tushishgandi.

Aytib o'tganimizdek, bu hujumchi hozircha "Loko" mashg'ulotlarida ishtirok etmoqda va klub bilan shartnoma imzolagudek bo'lsa, bu haqda darhol xabar qilamiz.