"Lokomotiv" ertaga birinchi davraning oxirgi o'yinini o'tkazadi

Xabaringiz bor, bu o'yin bazi sabablarga ko'ra o'z vaqtida o'tkazilmay keyinroq muddatga qoldirilgandi.

Demak, ertaga TTYMI stadionida bo'lib o'tadigan bahs soat 20:00da boshlanadi. Uchrashuvni Ilgiz Tantashev boshchiligidagi hakamlar brigadasi boshqarib boradi.
 
28 iyul. Oliy liga. 13-turning qoldirilgan uchrashuvi
LOKOMOTIV - QIZILQUM

Boshlanish vaqti - 20:00. TTYMI stadioni.

Hakamlar: I. Tantashev (Buxoro), B. Qodirov (Buxoro), A. Qo'ldoshev (Buxoro), R. Lutfulin (Toshkent)
Nazoratchi: A. Popov (Toshkent).
PFL vakili: A. Inoyatov.

Turnir jadvalidagi o'rni: "Lokomotiv" 2-o'rinda (36 ochko), "Qizilqum" 6-o'rinda (23 ochko).
Ochkolar orasidagi farq - 13 ochko.

Tarif: Birgina shu o'yinni hisobga olmaganda oliy liganing birinchi davrasidan o'rin olgan barcha uchrashuvlar o'z yakuniga etib bo'lgan. Har ikkala jamoa ham mazkur bellashuvga jiddiy tayyorgarlik ko'rdi. Jamoalar safida bir nechta o'zgarishlar yuz berdi. "Loko" o'z tarkibini Artur Gevorkyan evaziga kuchaytirgan bo'lsa, "Qizilqum" Vohid SHodiev, Erkin Boydullaev, Nemanya Yovanovich kabi futbolchilar bilan shartnoma tuzdi. Ertaga muxlislarni qiziqarli bahs kutmoqda deya olamiz.  

Fakt: O'z maydonida shu paytgacha oltita o'yinda maydonga tushgan "Lokomotiv" shundan beshtasida g'alaba qozonib, faqat bir bor durang o'ynadi. Jamoa o'z uyida kechgan bellashuvlarda 15ta gol urishning uddasidan chiqqan. "Qizilqum" esa safarda oltita bahsda ishtirok etib, shundan ikkitasida g'alaba qozongan. Ikki bor durang o'ynab, yana shuncha mag'lub bo'ldi.

Fakt: "Lokomotiv" oxirgi to'rtta uchrashuvning ikkitasida g'alaba qozonib, ikki bor durang o'ynadi. "Qizilqum" esa oxirgi to'rtta o'yinning faqat bittasida g'alabaga erishdi, ikki bor durang o'ynab, bir marta yutqazgan.