“Lokomotiv” bugungi o'yinga tayyor

Ayni paytda oliy liga turnir jadvalida “Paxtakor” birinchi, “Lokomotiv” ikkinchi o'rinda bormoqda va bu jamoalarni ikki ochko ajratib turibdi. Agar “Lokomotiv” mazkur bahsda g'alaba qozongudek bo'lsa, turnir jadvalida birinchi o'ringa ko'tarilib oladi.

Jamoamiz bugungi bellashuvga jiddiy hozirlik ko'rdi. Hujumchimiz Marat Bikmaev aytganidek, har kungi mashg'ulotlar qiyin kechdi va tayyorgarlik shunga yarasha olib borildi. Endi esa o'yinda maydonga tushib g'alaba qozonish qolyapti.

Bugungi uchrashuvni mamlakatimizning eng kuchli hakamlaridan biri Ravshan Ermatov boshqarib boradi. Eslatib o'tamiz, birinchi davradagi “Lokomotiv” stadionida kechgan bahsni ham aynan shu hakam boshqargan va bunda “Lokomotiv” 2:1 hisobida g'alaba qozongan. Biz bugungi o'yinda ham Vadim Abramov shogirdlaridan faqat va faqat g'alaba kutib qolamiz. SHunda turnir jadvalida yana birinchi o'ringa ko'tarilib olamiz.

Eslatib o'tamiz, bugungi bahs “Paxtakor” markaziy stadionida bo'lib o'tadi va o'yin 17:30da boshlanadi.