“Lokomotiv-2004″ – xotira turnirida uchinchi o'rin sohibi!

Bunda “Lokomotiv” futbol maktabining 2004/2005 yilda tug'ilgan tarbiyalanuvchilari ham ishtirok etib, yosh “temiryo'lchilar” yakunda uchinchi o'rinni qo'lga kiritishdi.

Aytish mumkinki, Otabek Mansurov va Dilshod Atamuhamedov boshqaruvidagi “Loko-2004/2005″ turnir davomida eng chiroyli o'yin ko'rsatgan jamoa bo'ldi. Buni “Lokomotiv” ishtirokidagi o'yinlarni chetdan kuzatgan mutaxassislar, muxlislar hamda ota-onalar ham etirof etishdi. Futbol maktabimiz tarbiyalanuvchilari to'rtta o'yin o'tkazgan bo'lsa, shundan birortasida gol qo'yib yuborishmadi. Bu ham tahsinga loyiq albatta.

“Lokomotiv-2004/2005″ dastlab “Samarqand” jamoasini 3:0 hisobida mag'lub etdi. Guruhdagi ikkinchi o'yinda Otabek Mansurov shogirdlari BO'SM-16 ustidan 2:0 hisobida zafar quchishdi. Ammo yarim final bellashuvida omad bizdan birozgina yuz o'girdi. ROZK bilan kechgan bahsning asosiy vaqtida hisob ochilmadi. SHundan so'ng navbat penaltilar seriyasiga etib keldi va bunda futbolchilarimiz 6:7 hisobida yutqazib qo'yishdi.

Bugun O'FF suniy maydonida bo'lib o'tgan uchinchi o'rin uchun bellashuvda esa “qizil ricarlar” poytaxtning yana bir jamoasi “Spartak”ka qarshi to'p surishdi. Eng qizig'i, bu o'yinda ham hisob ochilmadi va navbat yana penaltilar seriyasiga etib keldi. Bunda esa “Lokomotiv” futbolchilari 9:8 hisobida raqibdan ustun kelishdi.

Musobaqa yakunida odatdagidek g'olib va sovrindorlarni taqdirlash marosimi tashkil etildi. Narimon Jalolov va To'lagan Isoqov boshchiligidagi O'FF faxriylar kengashi vakillari hamda Bahodir Ibragimovning oila azolari g'oliblarni taqdirlashdi. “Lokomotiv” hujumchisi Asamjonov Saidakmal musobaqaning “Eng yaxshi hujumchisi” deb topildi.