"Liverpul" - "Manchester Siti" 3:2

YANGILASH

Sevgan ishingiz bilan mashg'ul bo'ling. Ishingizdan rohat oling! O'yinni siz uchun Abror Qodirov sharhlab bordi. Etibor uchun tashakkur! Omon bo'lishga majbursiz!

Bu o'yinda futbol deb atalmish o'yinning barcha jozibasini kuzatish imkoniga ega bo'ldik! Uni sharhlab borish ham rohat bag'ishladi! 

Butun "Liverpul"ni o'z oldiga to'plab olgan Stivi Ji jamoadoshlariga qarata "Biz buni eplay olamiz! Biz buni uddalashimiz shart!", deya hammani ruxlantirdi. Ha, Jerrerd Angliya chempioni bo'lishga munosib! 

90+5. Tamom. Leyvaning oyog'iga to'p tegmadi. Lekin bu drammatik o'yinda Liverpul g'alaba qozonishiga halal bermadi.

90+4. So'nggi o'zgarish "Liverpul"da. Lukas Leyva Sterling o'rniga. Leyvaning oyog'iga to'p tegishiga ishonasizmi?  

90+4. Iya, mana kartochkaning boshqa ranglisi ham bor ekan Klattenberg cho'ntagida. Xendersonga qizil!

90+3. Siti "o'yinni qutqar" missiyasini amalga oshirish uchun butun jamoa bo'lib urinyapti. 

90+1. Show must go on!, (SHou davom etmog'i lozim) deya hakam o'yinga 5 daqiqa qo'shib berdi.

90. Kompani pleymeykerga, yarim himoyachilar hujumchiga aylanib olishdi. Boshqa iloj ham yo'q-da!

89. O'yin qahramonlaridan biri - Koutino o'rniga maydonga Mozes tushirilyapti.

87. Suares bugun tengsiz... o'yindan tashqari holatda qolish soni bo'yicha.

85. Koutino Sabaletani yiqitdi. Jarima to'pini Nasri amalga oshirdi. Himoyachilar amallab uni uzoqlashtirdi.  

83. "Enfild" yana bor ovozda kuylay boshladi. O'sha siz bilan mashxur qo'shiqni.

81. Demicheles burchak to'pidan keyin bosh bilan aniq zarba berdi. Minole kerakli vaqda, kerakli joyda edi.

80. Siti butun jamoa bo'lib hujumda. Burchak to'pi ishladi. 

77. Haa, eng muhim pallada, chempionatning eng tajribali himoyachilari  yosh bolalarcha xatolarga yo'l qo'ymoqda. Kompani, qanday xato!.. 

76. GOOOOOOOOOOOOOOOOOOOOLLL!!! Dramatizm! Koutino! 3:2!

73. VUUUX! Silva Aguero uzatgan to'pni darvozaga to'g'rilab qo'yishi uchun oyog'i uzunligi Jekonikidek bo'lishi kerak edi. Biroz ulgurmadi.

72. Uch kishilashib o'yindan tashqari holatga o'tib olgan Liverpul hujumchilari Xart darvozasiga to'pni kiritdi. Hisobga olinmagani esa tushunarli.

70. Suarees!, deb baqirayotganimda yon hakam bayroqchasini ko'tarib qoldi. O'yindan tashqari holat

69. Nyuton qonuni barcha uchun bir hil ishlamaydi shekilli. Negadir Suares ha deganda yiqilib tushaveryapti.

67. Oho "kakie lyudi?". Aguero maydonga tushyapti. Edin Jeko o'rniga.

66. Minoleeee! Jekoning kuchli zarbasini qaytardi. What a save!

65. Jarohat olgan Starrij o'rniga Sterling. 

64. Suares raqib jarima maydoni ichida yiqildi. Penalti so'radi. Klattenberg esa Suares fikriga qo'shilmadi.

63. O'n daqiqa ichida birinchi bo'limdagi mehnatini yo'qqa chiqardi "qizillar".

62. GOOOOOOOOOL! 2:2! Avtogol. Hammasini qaytadan boshlaymiz. Liverpulni chempion qilib qo'yishga shoshmang.

61. Birinchi bo'limdagi Siti esingizdami? Uniting uni.

60. Starrij! Ochiqchasiga to'pni qizg'andi. Xavfli qarshi hudumni yo'qqa chiqardi.

59. Siti sal qolsa hisobni tenglashtirib qo'yishi hech gap emasdi. Jekoning oyyog'i Silva uzatgan to'pga etmay qoldi. Jekoning oyog'i-ya?!...

58. Pellegrini jamoasining zaif nuqtasini sezib, Navas o'rniga Milnerni tushirgandi. Aynan ingliz futbolchisining pasidan keyin Silva o'z hisobiga gol yozib qo'ydi.

57. GOOOOOOOLLLLL! Silvaning bu golini bekor qilish imkoni yo'q!

55. Bu orada Siti gol urishga va bu gol bekor qilinishga ulgurildi. To'p Silvaga etkazilayotganida maydondan chiqib ketib bo'lgandi. 

53. Milner oldinga borib, Flanaganga urildi. Xavfli nuqtadan jarima ishlamoqchi bo'lgandi. Ishonishmadi unga. 

50. SHkrtel! Ajoyib "podkat". Go'zallik. SHunchaki go'zallik.

49. Navas o'rniga maydonga Milner tushirildi. Bir bo'lim davomida Navas degan futbolchi o'ynapti-ku, biz uni deyarli ko'rmabmiz ham.

47. Rahim Sterlingning ikkinchi bo'limdagi dastlabki zarbasi tribunadan qo'nim topdi.

46. Ikkinchi bo'lim boshlandi.

O'zbekchada chapdan o'ngga, arabchada o'ngdan chapga, yaponchada tepadan pastga, on-layn matnli translyaciyada esa pastdan tepaga qarab o'qiladi. Ikkinchi taymni bolaymiz!

- Nafas rostlashga imkon bermadi birinchi taym. Ikkinchisi yanada qizg'inroq bo'lishiga umid qilamiz. Uzoqlashmang. Men esa nafas rostlashga ketdim.

- "Liverpul" afsonalaridan biri Bill SHenkli bir vaqtlar, "Ayrimlar futbol, bu - hayot, deyishadi. Aslida unday emas. Futbol - hayotdan hamm ortiqroq", degandi. Bugun "Enfild"dagi ajoyib muhitni yaratib berayotgan muhlislarning ko'pchiligi bu gapga qo'shilsa ajab emas. 

TANAFFUS!

45. "Manchester Siti" ertalab "budilnik" chalinganda uyg'onmagan, keyin esa ishga kech qolayotganini anglab, shoshib qolgan hodimni eslatyapti.

44. "Man Siti"ning yana bir hujumi. Taym so'nggiga kelib jonlanib qoldi. Zarbaaaa! Fernendinoning kuchli zarbasidan keyin Minole jamoasini qutqardi.

43. Silva! Zarbaaa! Navas qanotdan to'pni uzatdi. Silva bosh bilan berdi. Xavfliiii!

42. Ou, Minole o'yinga intriga qaytarmoqchi bo'ldi shekili. To'pni sal qolsa raqiblarga oshirib berardi.

40. Kecha Toshkentda "Samsung" kompaniyasi "Geleksi S5" mobil qurilmasini taqdimotini o'tkazdi. APLda esa bu mavsum "Liverpul" "Gol ursin S3"ni  namoyish etyapti. Starrij, Suares, Sterling.

37. Yaya Ture yo'q bo'lgani uchungina Silva zarba berdi. Mm... Ture ancha yaxshiroq bajargan bo'lardi. Samarasiz.

36. Sitining hujumi. (SHunaqasi ham bo'lib turibdi bazan). Jarima to'pi ishladi Jeko.  

33. O'yin saalgina tinchlangandek. Salgina.

29. O, mana manchesterliklar ham vaziyat yaratishdi. Lekin Jekoning zarbasi himoyachilar tomonidan bloklandi. Aytgancha, Liverpul darvozaboni Minole. SHunchaki eslatib qo'ydim-da. TVda ko'rinmayaptiku.

27. "Janob, meni chimchilab yuborsangiz", deydi-ku bir filmda. Sitini chimchilab yuboringlar. Siti ekanini, CHempionlik uchun kurashayotganini eslatib ham yuborsanglar yaxshi bo'lardi

26. Liverpul ikki bor burchak to'pini amalga oshirdi. Avvaliga mutlaqo bo'sh qoldirilgan Jerrard juda kuchli zarba berdi. Keyin u burchakdan to'pni SHkertelga etkazdi. Himoyachining bosh bilan bergan zarbasi to'p va to'rning uchrashuvi bilan yakunlandi. 

25. GOOOOOOOOOL! SHkrteeeel! SHkr-shkr-shkrtel!

23. Manchester Siti birinchi marta pozicion hujum uyushtirgandi. Darhol qarshi hujum bilan jazolandi. Sal qolsa gol bilan ham jazorlanardi!

22. Manchester Siti burchak to'pi tepdi. Hujum vaqtida qoida buzgancha yana ortga qaytdi. Hozircha ortig'ini eplamayapti "moviylar"

19. Xavi Garsiya maydonga tushib ulgurmay o'zini ko'rsatib qo'ydi... Hakamga. Hakam unga javoban kartochka ko'rsatdi. Sarig'idan hozircha.

18. Yaya Ture maydonni tark etyapti! Ha... Jarohat olgan ko'rinadi. O'yin sharhlovchisi buni o'tkazib yuborilgan ikkinchi golga qiyoslayapti. Yaya o'rniga Xavi Garsiya maydonda...

15. Starrij!!  Tablodagi "1"ni "2" qilmoqchi bo'ldi. Biroq hozircha "Liverpul"ning biri ikki bo'lganicha yo'q.

14. O'yin tempi barmoqlar tempiga monand. Yoki aksincha, barmoqlarim tempi o'yin shiddatiga mos ravishda klaviaturani qiynayapti. Ajoyib uchrashuv! Nafas rostlashga vaqt yo'q.

12. Yaya Ture Sitining birinichi hujumini tashkil qilishga urindi. Lekin raqib jarima maydonida qoida buzdi. Har holda hakamlar shunaqa hisobladi.

10. CHap qanotdan qizil futbolkali yigitlar mingga qo'yib oldinga tashlandi. Devor uslubida bir biriga to'pni etkazib, raqib jarima maydoniga etib oldi. Rahimning Suaresga uzatgan to'pi raqblarga nasib etdi!

08. Liverpul tinmayapti. Hujumlar, hujumlar...

07. Rahim Sterling raqib jarima maydonida sovuqqonlik bilan harakat qildi. Uning aldamchi harakatlariga Jo Xart ham, himoyachilar ham laqqa tushdi. Hammani aldab, bo'sh qolgan darvozaga to'pni dumalatib qo'ydi. 

06. GOOOOOOOOOOL! GOLL! STERLING!

05. Oyoyoy, o'yinning 5-daqiqasidayoq Suares sariq kartochka "ishlab oldi". Demichelesning oyog'i omon qoldi. Lekin qo'pol o'ynalgandi. Juda qo'pol.

04. Kautinoooo! O'yindagi birinchi zarbani shu yigit yo'lladi. Umuman olganda, men baqirganimchalik xafli emasdi. Sorri!

02. Kamina ekranga qaramay ham to'p kimda enaligini aniqlab olishim qiyin kechmayapti. Sitiga to'p tushishi bilan butun "Enfild" "Uuuuuvvvv", deyapti, o'zinikilarga qaytsa "Yeeeeee!", deya hayqiryapti. Hozircha ko'proq "Yeeee".

 01. Ettenshn! Diqqat! Boshladiiik!

...... (sukut).

"Walk on, walk on with hope in your heart,

And you'll never walk alone,

You'll never, ever walk alone!", deya kuylayapti "Enfild". Oh qanday qo'shiq! Qandayin ijro! Etlarni jimirlatadi!

- "Liverpul" Hillsboro voqqealarining 25 yillik yubileyida chempionlik uchun juda yaqin. Buyuk tarixga ega bo'lgan "Bitlz" vatandoshlari "Angliya Premer-ligasi", deya qayta nomlangan ligadagi birinchi sovrini egallashi uchun, eng avvalo, bugun "Siti" qarshiligini engishi lozim bo'ladi. CHempionlik uchun kurashayotgan "Siti" esa qo'shqo'llab g'alabani berib qo'yish uchun kelmagan. Nafaqat turning, balki butun mavsumning eng muhim o'yinlaridan birini siz uchun Abror Qodirov sharhlab boradi. Hi guys!

Qip-qizil Liverpul. Muhlislar "Enfild"ga otlanyapti.

- "Liverpulda yakshanba kun, ko'chalar bo'sh va sokin", degan so'zlar bilan boshlanadi betakror ovoz sohibasi Syuzanna Veganing "In Liverpool" nomli qo'shig'i. Biroq bugun Liverpuldan sokinlik izlab bo'lmaydi. Hatto yakshanba bo'lsa ham. Ko'chalar ham bo'sh bo'lishiga umid qilishdan mano yo'q bugun! CHempionlik masalasi hal bo'lishi kutilayotgan jang bo'sag'asidamiz! Qanaqa sokinlik, Syuzanna?!

- 1989 yil 15 aprel sanasi edi. "Liverpul" Angliya Kubogi yarim finalida "Nottingem Forest" jamoasiga qarshi maydonga tushgan va SHeffilddagi stadion tribunalari to'lib toshgandi. Tik turib tomosha qilinatidan sektorda muxlislar shu qadar ko'p ediki, natijada o'yinning oltinchi daqiqasi o'tib borayotgan bir vaqtda tribunaning o'sha sektori qulab tushadi..! Bu hodisa "Liverpul"ning 96 muxlisini hayotdan ko'z yumishiga sabab bo'ladi.

Ingliz futboli tarixidagi eng mudxish voqelardan biri - Hilsboro fojeasi sodir bo'lganiga 25 yil bo'ldi. Mana shu mashum voqea va unda olamdan o'tgan muxlislarni xotirlab, ushbu dam olish kunlarida Angliya maydonlarida o'tkazilayotgan har bir uchrashuv 7 daqiqa kechroq boshlanyapti. Sababi esa oddiy. O'sha faolkat yuz berganida o'yinning oltinchi daqiqasi o'tib boryotgandi. Yana bir daqiqa halok bo'lganlar yodga olinib sukut saqlanishi uchun.

Tarkiblar

"Liverpul" - "Manchester Siti"

"Liverpul": Minole; Jonson, Flanagan, Sako, SHkrtel; Jerrard, Henderson, Soutino, Sterling; Suares, Starrij. 

"Manchester Siti": Xart; Zabaleta, Kompani, Demicheles, Klishi; Ture, Fernandino, Navas, Nasri, Silva; Jeko.