Leonid Senkevich: “Jiddiy raqibni mag'lub etdik”

llashuv yakunlangach biz mezbonlar ustozi Leonid Senkevichning fikrlari bilan qiziqdik.

- “Oq-tepa” bilan Toshkentda bo'lib o'tgan birinchi uchrashuvni o'zingizni ham ko'rgandingiz. O'sha o'yinda ham yomon harakat qilmagandik. Lekin mag'lubiyatga uchragandik. Bugun xursand bo'lganim bolalar o'zlarining yaxshi xislatlarini namoyish qilishdi va foydali to'p surishdi. Ochig'i, bizga omad ham kulib boqdi. Ayniqsa, uchrashuv oxirlarida omad biz tarafda bo'ldi. Aytishadiku, omad kuchlilarga kulib boqadi, deb. Futbolchilarim 92-daqiqada gol o'tkazib yuborgan bo'lsa-da, qo'llarini pastga tushirishmadi.

Yigitlar shu kunga qadar o'tkazgan uchrashuvlarimizda juda ko'p golga tortadigan vaziyatlardan foydalana olmay kelayotgandi. Omad bizga kulib boqmayotgandi. Bugun hammasi biz uchun omadli bo'ldi. Mayli, ikkinchi golimiz haqiqiy omad tufayli raqib darvozasidan joy olgan bo'lsa-da, bu gol! SHogirdlarim bugungi g'alabaga haqli ravishda erishishdi. Ular bunga loyiq edi. Sababi, ular bugun g'alaba qozonishni chin dildan xohlashgandi. Rosti, biz uydagi o'yinlarda anchadan buyon yuta olmayotgandik.
Qolaversa, bugun shunday yuqori klassdagi raqibni mag'lubiyatga uchratdik. Autsayderni yutish qaerdaku, musobaqa peshqadamidan ustun kelish qaerda?! Ikkalasining zavqi o'rtasida katta farq bor.

“Oq-tepa” kuchli jamoa, tarkibida tajribali futbolchilar jam bo'lgan. Bu o'yinchilar bemalol oliy ligada o'ynay oladi. SHuning uchun ham men shogirdlarim uchun juda ham xursandman. CHunki ular haqiqatdan ham jiddiy raqibni mag'lub eta olishdi.