Lebyof: “SHu ruhda davom etsa, u simulyant sifatida tarixga kiradi”

“Neymar – dunyoning eng yaxshi futbolchilaridan biri, ammo bu o'yinda uning harakatlarini kuzatish uyatli edi. Agar u shu ruhda davom etsa, ajoyib futbolchi sifatida emas, “simulyant” sifatida tarixga kiradi.

Hakamning o'rnida bo'lganimda uning “provokaciya”lariga uchmagan bo'lardim. Uning to'rtta yiqilish “sahnasi”dan uchtasi artistlarnikidek edi. Bunaqa holat ko'pchilikni g'azabini keltirdi.

U bizning davrimizda to'p tepganida allaqachon faoliyatiga chek qo'yilgan bo'lardi. Neymar muxlislar va boshqa futbolchilarni hurmat qilmayapti. Men hech qachon Firmino, Mbappe yoki Kavani o'zini bu tariqa tutganini eslolmadim.

JCH-2018 da ham u xuddi shunday harakat qildi. Qachon bu hol tugaydi? U “Liverpul” bilan o'yinda yaxshi o'yin ko'rsatdi, ammo har safar uning yiqilishlarini tomoga qilish yoqimsiz holat bo'ldi. Menimcha, uni jamoadoshlari va raqib futbolchilarining fikri umuman qiziqtirmaydi”, deya Lebyofning so'zlaridan iqtibos keltirmoqda RMC Sport.