Lamin Yamal yaqinlashib kelayotgan "El Klasiko" haqida gapirdi

"Barselona" klubi futbolchisi Lamin Yamal shanba kuni o'tkaziladigan "Real Madrid"ga qarshi o'yin haqida gapirdi.

"To'g'risini aytsam, o'yinlardan oldin asabiylashmayman, ammo debyut "El Klasiko"da men biroz to'lqinlangandim. Raqibning yuziga qarab, ular naqadar kuchli ekanini his qilgandim. Maydonga tushishdan oldin biroz asabiylashgandim, ammo o'yin boshlangach barchasi unutilgandi. O'ynadim va lahzadan bahra oldim.

Bu kabi uchrashuvlarda o'yin sifati qanday bo'lishi kerakligini bilib olasan. Oxir oqibat mayda detallar o'yin taqdirini hal qiladi. Klasiko har doim alohida ahamiyat kasb etgan. Bu Klasikoni jamoadagi barcha yutishni xohlayapti", -deydi Lamin Yamal.